Këngëtarja Gili ka qenë e ftuara e radhës në emisionin “Talk” në KTV.

Përball gazetari Amir Mjeku, këngëtarja Berani ka rrëfyer për më të rejat në karrierën e saj, si dhe ka shfletuar ngjarje dhe histori interesante nga e kaluara.

Një ndodhi e pazakontë të cilën këngëtarja e tregoi, ishte kur në një mbrëmje të maturës disa nga maturantët i kanë kërkuar asaj të këndojë këngën “Ti je budall”, si dedikim profesorit të Matematikës.

Ndërkohë, Gili ka treguar edhe se pse nuk e ka dëgjuar ende këngën “Botë” të Linda Halimit që na përfaqëson në “Eurivision”, si dhe ka vazhduar bisedën me planet që ka për të ardhmen. /Telegrafi/