Magazina Yjet

Martesat e vitit 2022 në shoubizin shqiptar – kush nga të famshmit i dhanë fund beqarisë vitin e kaluar

Gjatë vitit që lamë pas krahas ndarjeve dhe lajmeve të tjera bombastike, në shoubizin shqiptar pati edhe disa ngjarje të rëndësishme, sa i përket jetës private të disa prej yjeve të njohur.

Viti 2022 për një pjesë të të famshmëve shqiptarë ka qenë shumë i zëshëm, ku krahas karrierës profesionale, kanë qenë të fokusuar edhe në atë personale.

Figura nga fusha të ndryshme përfshirë, artin, muzikën e sportin i dhanë fund beqarisë gjatë vitit që shkoi, duke kurorëzuar dashurinë e tyre me martesë.

Robin Krasniqi, Florent Hadërgjonaj, Arbër Zeneli, Valza Zhegrova, Armina Mevlani Arbër Hajdari dhe Albina Kelmendi – janë disa nga personazhet publike që bënë dasmë dhe organizuan ceremoni madhështore për ditën speciale të tyre.

Robin Krasniqi dhe Marigona Krasniqi

View this post on Instagram

A post shared by Robin Krasniqi (@robin_krasniqi)

Çifti i njohur shqiptar, Robin dhe Marigona Krasniqi, të cilët kanë qenë mjaft shumë në qendër të vëmendjes gjatë vitit të kaluar, kanë kurorëzuar me martesë lidhjen e tyre po atë vit

Boksieri shqiptar dhe modelja e famshme u fejuan në fillim të vitit 2022, gjersa asokohe njoftuan se po bëhen prindër.

Ata e zyrtarizuan martesën e tyre në Gjermani gjatë muajit mars, mirëpo kishin paralajmëruar se do të bënin edhe një dasmë.

Çifti zgjodhi datën 9 maj 2022 për dasmën e tyre në Kosovë duke zgjedhur një prej restoranteve në Prishtinë për këtë ceremoni.

Të ftuar në dasmën e tyre kanë qenë politikanë e personalitete të njohura shqiptare.

Të njëjtit u bënë po ashtu prindër për herë të parë të një djali të quajtur, Meyson.

Florent Hadërgjonaj dhe Dorina Podrimja

View this post on Instagram

A post shared by Florent Hadergjonaj (@florenthadergjonaj)

Futbollisti i Përfaqësueses së Kosovës, Florent Hadërgjonaj, i ka dhënë fund beqarisë në qershor të vitit 2022.

Ai kurorëzoi dashurinë e tij me martesë me bukuroshen, Dorina Podrimja.

“Jeta më e mirë në jetën time. 06.06.2022”, shkroi futbollisti në mbishkrimin e imazheve që u pasuan nga urime të shumta nga ana e miqve dhe familjarëve të tyre.

Theksojmë që dyshja e njohur u fejuan në dhjetor të vitit 2021.

Arbër Zeneli dhe Dafina Hiseni

View this post on Instagram

A post shared by Arber Zeneli (@azeneli10)

Futbollisti i njohur kosovar, Arbër Zeneli, ka qenë gjithashtu në mesin e yjeve shqiptarë që u martua në vitin 2022.

Ylli i Përfaqësueses së Kosovës ka kurorëzuan dashurinë me martesë me partneren e tij prej kohësh, Dafina Hiseni.

Çifti organizuan një ceremoni tradicionale shqiptare, teksa u panë dhe një numër i madh i të ftuarve.

Kujtojmë që 27-vjeçari dhe partnerja e tij u fejuan në shtator të vitit 2022, pas ndarjes së tij nga Majlinda Hoda, me të cilën gjithashtu ishte i fejuar.

Zeneli luan për ekipin francez, Reims dhe njëherësh futbollisti është pjesë e Kosovës tash e disa vite.

Valza Zhegrova dhe Nazmi Vërtopi

Këngëtarja shqiptare, Valza Zhegrova, është martuar në muajin gusht të vitit që shkoi.

Ajo dhe partneri i saj, avokati Nazmi Vërtopi, kanë kurorëzuar dashurinë e tyre me martesë.

Bukuroshja pati një fillim të mirë në muzikë, ndërkohë që u distancua pas një kohe të shkurtër.

E njëjta tani ka ndërtuar një jetë të re në Belgjikë së bashku me partnerin e saj, ku edhe po vazhdon me aktivitete të tjera.

Megjithatë, Zhegrova nuk ka bërë të ditur nëse do t’i rikthehet sërish muzikës në të ardhmen.

Armina Mevlani dhe Shkëlzen Berisha

View this post on Instagram

A post shared by Armina Mevlani (@armina_mevlani)

Bukuroshja shqiptare, Armina Mevlani, u martua në muajin shtator me partnerin e saj, Shkëlzen Berishën.

Ata janë bashkë prej më shumë se një dekadë, gjersa në vitin e kaluar organizuan një ceremoni me miqtë dhe familjarët.

Moderatorja e “Goca dhe Gra” shkëlqeu me paraqitjen në disa fustane të ndryshme, ku në anën tjetër vëmendje të madhe mori edhe Shkëlzeni me kostumin e zi elegant.