Vitit 2021 ishte një vit me mjaft zhvillime në jetën personale të disa prej figurave publike.
Shumë prej tyre i dhanë fund beqarisë gjatë këtij viti, duke kurorëzuar dashurinë e tyre me martesë.
Kushtet pandemike fatkeqësisht ndikuan që edhe gjatë vitit 2021 ceremonitë festive të ishin të kufizuara dhe me një numër të limituar njerëzish.
Pavarësisht kësaj, martesat ishin të shumta gjatë këtij viti dhe në mesin e tyre ishin edhe një numër i madh i figurave publike.
Në vazhdim, Telegrafi ju njeh me disa prej figurave publike që i dhanë fund beqarisë gjatë vitit 2021.
Fjolla Morina
Këngëtarja e njohur shqiptare, Fjolla Morina, në muajin mars i dha fund beqarisë duke kurorëzuar dashurinë e saj me martesë me biznesmenin Fisnik Syla.
Çifti u kurorëzuan në një ceremoni shumë private dhe luksoze në Ishujt Maldive.
Ata u nisën për të shijuar së bashku pushimet, teksa në një moment, Fjolla ka marrë propozim për martesë nga njeriu i jetës së saj.
Dyshja të cilët janë mjaft të ndjekur në rrjetet sociale, nuk kanë hezituar që të ndajnë me ndjekësit e tyre disa fotografi nga ceremonia super luksoze e martesës së tyre.
Të pranishëm në dasmë kanë qenë vetëm ofiqari dhe disa muzikantë nga Ishujt Maldive, të cilët kanë shoqëruar me muzikë atmosferën martesore.
Historia e bukur e martesës u shoqërua më pas me disa lajme të hidhura si arrestimi i Fjollës në Kosovë, kërkesa e saj për ekstradim e deri te spekulimet për ndarjes mes çiftit.
Megjithatë, kërkesa për ekstradim u hodh poshtë dhe këngëtarja Morina u la e lirë dhe duket se tani është në një gjendje emocionale të qetë.
Buta
Reperi i njohur Buta gjithashtu në mënyrë të befasishme i dha fund beqarisë gjatë vitit 2021.
Ai dhe partnerja e tij, Fjolla Ramadani, e bënë të ditur lajmin përmes disa fotografive të publikuara në rrjetin social Instagram gjatë muajit shtator.
Me gjasë, kjo është edhe koha kur çifti privatisht i kanë dhënë betimin e përjetshëm njëri-tjetrit.
“Partnerja ime në krim”, shkroi reperi i njohur me prejardhje nge Ferizaj në mbishkrimin e fotografive.
Në imazhet martesore, çifti janë shfaqur duke pozuar si nuse dhe dhëndër nën ngjyrat bardhë e zi.
Ata vendosën të mos tregohen të hapur në lidhje me jetën e tyre private nëse kishte apo jo një ceremoni modeste, duke dashur vetëm të përmbledhin gjithë martesën ë këto fotografi të publikuara.
Shpat Kasapi
Edhe këngëtari i njohur shqiptar me prejardhje nga Maqedonia e Veriut, Shpat Kasapi, u martua gjatë vitit 2021.
Ai kurorëzoi lidhjen e tij disa vjeçare me modelen e njohur nga Shqipëria, Selvije Jaon.
Më 9 qershor, çifti organizuan një ceremoni private, ku i dhanë betimin e përhershëm të dashurisë njëri-tjetrit.
Lajmi u bë i ditur nga vet interpretuesi i hitit “Axhamiu” përmes një fotografie të publikuar në Instagram në datën e kurorëzimit.
“Selvije Kasapi nga tani”, kishte shkruar ai në mbishkrimin e fotografisë, ku ia kishte bashkangjitur edhe datën 9 qershor 2021.
Ndërkohë, çifti gjithashtu kanë lajmëruar se së shpejti do të bëhen edhe prindër për herë të parë.
Rezarta Shkurta
Megjithëse kanë vite bashkë dhe kanë krijuar edhe familje, këngëtarja Rezarta Shkurta dhe nipi i ish-diktatorit Enver Hoxha, Ermal Hoxha, u martuan tek në vitin 2021.
Ky lajm u dha nga vet këngëtarja dhe fotografja e njohur përmes disa fotografive të publikuara në rrjetin social Instagram.
Duke qenë se Rezarta edhe është themeluese e një biznesi fotografish, nuk kishte se si të mungonte një fotosesion magjik i dasmës së tyre.
Çifti të veshur si nuse e dhëndër pozuan me njëri-tjetrin buzë detit, gjersa ishte e paqartë nëse organizuan dasmë.
Megjithatë, interpretuesja e hitit “DJ” ndau me ndjekësit e saj në rrjetet sociale edhe unazën e diamantit që kishte pranuar si dhuratë nga burri i saj.
Rezarta dhe Ermali përndryshe janë prindër të një vajze të quajtur Hera.
Edita Sopjani
Këngëtarja e njohur shqiptare, Edita Sopjani, ishte një nga figurat publike që gjithashtu u martua gjatë 2021-s.
Ajo është martuar me partnerij e saj, Përparim Olluri, në një ceremoni me shumë të ftuar.
Këngëtarja me prejardhje nga Fushë-Kosova i mbajtur të azhurnuar fansat me dasmën e saj, përmes disa fotografive të publikuara në rrjetet sociale.
Fillimisht, ajo organizoi një natë beqarie me vajza, gjersa të nesërmen sipas traditave dhe zakoneve u mor nuse nga krushqit e saj.
Pas martesës, Edita është larguar në Gjermani, ku edhe jeton aktualisht me burrin e saj.
Për t’u larguar ajo hoqi dorë nga profesioni i saj si prezantuese në RTK, gjersa këngën aktualisht të fundit e publikoi vetëm pak muaj para martesës.
Arta Nikaj
Aktorja shqiptare me prejardhje nga Tuzi, Arta Nikaj, ka kohë që nuk është aktive në aktrim.
Ajo u bë e njohur falë rolit të saj në hit-serialin “O Sa Mirë”, por nuk është parë në ndonjë projekt tjetër që atëherë.
Nikaj jeton prej vitesh në Shtetet e Bashkuara të Amerikës, ku edhe ka gjetur dashurinë e saj të jetës.
Në janar të vitit 2021, ajo i dha fund beqarisë duke u martuar me amerikanin Summy Pulao.
Lajm ishte bërë i ditur nga kolegia e saj, Ema Uka (gjithashtu aktore e njohur nga “O Sa Mirë”), e cila kishte publikuar një fotografi të saj me fustanin e bardhë të nusërisë.
Rudina Dembacaj
Mbetemi te aktorët.
Edhe aktorja e njohur nga Shqipëria, Rudina Dembacaj, u martua gjatë vitit 2021.
Ajo i dha fund beqarisë për herë të dytë, duke u martuar me ish-deputetin Mark Frroku, pas dështimit të martesës së saj të parë nga e cila ka edhe një vajzë.
Ata u martuan më datë 1 tetor në një ceremoni me shumë të ftuar VIP, të organizuar në një resort luksoz në Tiranë.
Disa prej emrave më të njohur që ishin pjesëmarrës në dasmë ishin: Aurela Gaçe, Rozana Radi, Meridian Ramcaj, Orinda Huta, Turjan Hysko dhe Visjan Ukcenaj.
Greta Koçi
E fundit që përmbyll sagën e martesave të figurave publike gjatë vitit që lam pas është këngëtarja Greta Koçi.
Greta e cila njihet për një numër të madh hitesh në tregun muzikor shqiptar, u martua në fshehtësi.
Lajmin e bëri të ditur vet ajo përmes një interviste në emisionin e pasdites në ABC News, ku tregoi se pas martesës është shpërngulur në Vjenë.
“Kanë shkruar mediat, unë e kam parë por asnjëherë nuk kam dashur të reagoj. Po e them vetëm tek ty. Është zyrtare që unë po jetoj në Vjenë, por e kam zyrtarizuar dhe çështjen e zemrës. Unë jam martuar tashmë dhe jetoj së bashku me bashkëshortin tim në Austri”, ka thënë Greta.
E pyetur për ceremoninë, ajo nuk ka dashur të komentojë, duke thënë vetëm thjeshtë se janë kryer të gjitha ritet dhe zakonet sa i përket ceremonisë martesore. /Telegrafi/
Lufta Prigozhin - Putin
Më shumëNga Rubrika
Diola Dosti dhe Erolld Belegu po shijojnë pushimet e tyre luksoze në Bali të Indonezisë
“Dëgjova rrëfimet e njerëzve që humbën familjarët e tyre”, Dua Lipa flet për ndikimin e luftës në Kosovë
Egla shpërthen në lot kur merr një mesazh nga nëna e saj, kjo e fundit ka një këshillë për banoren
“Çka më kanë parë sytë” - Pas largimit nga Big Brother VIP Albania, Jetmir Salaj kërcënon produksionin se do të zbulojë sekrete?
“Ndalu dhe kërko falje”, babai i Rita Orës shpërndan momentin kur presidentja Osmani e përballi Vuçiqin me të vërtetën në OKB
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj
“Dëgjova rrëfimet e njerëzve që humbën familjarët e tyre”, Dua Lipa flet për ndikimin e luftës në Kosovë
Se Anxhelina dhe Kylie janë shoqe të mira e dëshmon kjo foto, miliarderja bëri veprimin e befasishëm ndaj këngëtares shqiptare
Zhaklin Lekatari dërgon mesazh në Big Brother VIP Albania, mbështet njërin prej banorëve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj