Manchester United po tenton ta transferojë Marcos Llorenten nga Atletico Madridi në formë huazimi.

Djajtë e Kuq po përballen me shumë lëndime në këtë sezon, andaj dëshirojnë ta transferojnë mesfushorin.

Unitedi ka filluar bisedimet me skuadrën spanjolle për ta transferuar ish-anëtarin e Real Madridit qysh në këtë afat.

Manchester Evening News raporton se të dyja klubet janë shumë afër të arrijnë marrëveshje për lojtarin deri në fund të këtij sezoni.

Të gjitha lajmet nga Marcos Llorente Të gjitha lajmet nga Marcos Llorente

24-vjeçari u transferua në Wanda Metropolitano nga Los Blancos në verën e vitit të kaluar, por ka dështuar të rigjejë formën e lartë.

Llorente ka startuar në vetëm tri ndeshje nga 19 sa janë zhvilluar dhe mund të kalojë në Old Trafford në fillim të javës së ardhshme. /Telegrafi/