Man Utd po përgatitet për një transformim të frikshëm të skuadrës – 11 lojtarë të ekipit të parë do të shiten, mes tyre emra të njohur

Sipas raportimeve të mediave angleze, Sir Jim Ratcliffe po planifikon të largojë së paku 11 lojtarë nga Manchester United, pasi ai kërkon të ndërtojë një skuadër që mund të konkurrojë për kreun e Ligës Premier.

Blerja e pjesshme e Man Utd nga Ratcliffe me 27.7 për qind prej 1.03 miliardë funte u mbyll më në fund të martën.

Me javë të tëra, 71-vjeçari dhe drejtori i performancës së Ineos, Sir Dave Brailsford kanë punuar mbi operacionet në “Old Trafford”.

Man Utd do të ketë para për të shpenzuar për ndryshimin e skuadrës së tyre këtë verë.

Por duke pasur parasysh shqetësimet për respektimin e rregullave të FFP-së, Ratcliffe është vendosur të sanksionojë një numër të madh të lojtarëve aktuale duke i vënë në shitje këtë verë.

Sipas ESPN, Djajtë e Kuq do të vënë në dispozicion për transferim 11 lojtarë të ekipit të parë.

Fillimisht Anthony Martial nuk do t’i ofrohet një marrëveshje e re dhe do të lejohet të largohet pa pagesë. Harry Maguire dhe ish-dyshja e Real Madridit, Raphael Varane dhe Casemiro janë ndër ata që mund të shiten.

Po ashtu Mancehster United do të shqyrtojë ofertat për lojtarë si Aaron Wan-Bissaka, Scott McTominay, Victor Lindelof dhe Christian Eriksen.

Sa i përket emrave si Donny van de Beek, Jadon Sancho, Facundo Pellistri dhe Brandon Williams që janë aktualisht në huazim, të katërtit thuhet se do të lejohen të largohen në fund të sezonit.

Drejtuesit e Man United duan të përmirësojnë cilësinë e ekipit të tyre në të gjithë skuadrën këtë verë, në veçanti, në mbrojtje dhe në sulm.

Djajtë e Kuq duan të emërojnë Dan Ashworth të Newcastle si drejtor sportiv, por aktualisht nuk janë të gatshëm të paguajnë çmimin e kërkuar prej 20 milionë funte. /Telegrafi/