Manchester Unitedi ka bërë ofertën e tyre në drejtim të yllit portugez të Real Madridit, Cristiano Ronaldos.
Emri i yllit portugez është lakuar shumë rreth një largimi të mundshëm nga Santiago Bernabeu këtë verë.
Largimi i tij mund të bëhet edhe më i mundshëm nëse Neymari vendos të transferohet nga Paris Saint-Germain te Reali.
Skuadrat më të interesuara për Ronaldon mendohet të jenë ato angleze, si Chelsea, Manchester City dhe Manchester United.
Ronaldo ishte yll te Unitedi (Getty Images)
Por, sipas mediumit spanjoll Diario Gol, skuadra nga Old Trafford ka reaguar e para duke bërë një ofertë në drejtim të tij.
Ky medium thekson se gjiganti anglez është gati t'i jap plot 30 milionë euro në sezon yllit portugez duke e bërë dukshëm lojtarin më të paguar në Ligën Premier.
Raportet e këtij mediumi theksojnë se transferimi mund të ndodh pasi Ronaldo është frustruar me presidentin Florentino Perez, i cili nuk ka pranuar ende kushtet e reja të kontratës.
Rol të rëndësishëm në transferimin e yllit portugez mund të luaj edhe firma e njohur e veshmbathjeve Adidas, pasi sikurse skuadra angleze ashtu edhe portugezi kanë marrëveshje më këtë markë të madhe gjermane. /Telegrafi/
