Malisheva merr fitoren e parë në pranverë, mposht lehtësisht Drenicën

Malisheva ka marrë fitoren e parë në pranverë, pasi ka mposhtur Drenicën me rezultat 3-1.

Malisheva e nisi për mrekulli ndeshjen, kur vetëm pas 12 minutave lojë realizuan golin e epërsisë.

Ishte sulmuesi Ronald Sobowale i cili u gjend bukur në zonë dhe nga afërsia dërgoi topin në rrjetë për 1-0.

Drenica barazoi shifrat në 1-1 kur Abazi realizoi gol të bukur nga distanca për të barazuar gjithçka në këtë sfidë.

Por barazimi i mysafirëve nuk zgjati më shumë se tre minuta, pasi Malisheva riktheu epërsinë.

Njëri nga talentet më të mëdhenj në futbollin kosovar, Drilon Hazrollaj realizoi gol spektakolar nga gjuajtja e lirë për 2-1.

Me epërsinë minimale të vendasve u mbyllën 45 minutat e para të kësaj sfide.

Edhe në pjesën e dytë vendasit e nisën më mirë, kur në minutën e 59-të Adem Maliqi shënoi nga distanca për 3-1.

Deri në fund gola tjerë nuk pati dhe Malisheva mori fitoren e parë në edicionin pranveror.

Me këtë fitore Malisheva ngritët në pozitën e shtatë në tabelë me 24 pikë, derisa Drenica mbetet e fundit me 20 sosh.

Ndeshjen e radhës Malisheva do ta zhvilloj në udhëtim te Trepça ’89, derisa Drenica pret Ferizajn. /Telegrafi/