Lukaku në ankth, mund ta humb Kupën e Botës pas lëndimit të fundit

Romelu Lukakut ka filluar t’i rritet shqetësimi pasi ai mund të mbetet jashtë Kupës së Botës “Katar 2022” pas lëndimit të tij të fundit të muskujve.

Kthimi i sulmuesit 29-vjeçar belg te Interi nuk ka shkuar sipas planit dhe ai ka qenë kryesisht jashtë fushës për shkak të lëndimeve që nga rikthimi i tij në kryeqytetin e Lombardisë në verë.

Lukaku nuk ka nisur asnjë ndeshje që nga gushti dhe vetëm për pak kohë u rikthye në fushë javën e kaluar, duke luajtur 29 minuta lojë në Ligën e Kampionëve dhe Serie A.

Sipas La Gazzetta dello Sport, Lukaku fluturoi dje drejt Belgjikës për të kuptuar dëmtimin e tij dhe për t’iu nënshtruar një raundi testesh mjekësore, duke punuar së bashku me mjekët e kombëtares belge.

Mondiale a rischio per #Lukaku 😱https://t.co/mGdRjS58MD

— InterNews24 (@news24_inter) November 3, 2022

Sulmuesi i Interit është i shqetësuar se do të detyrohet të humbasë Botërorin e Katarit dhe tani është në një garë me kohën, me ndeshjen e parë të Belgjikës më 23 nëntor kundër Kanadasë.

Nerazzurrët njoftuan javën e kaluar se 29-vjeçari kishte pësuar një tendosje në bicepsin femoral të kofshës së majtë. /Telegrafi/