Mbrëmë janë zhvilluar 11 ndeshje në ligën më të fortë të basketbollit në botë.

Los Angeles Lakers ka shënuar fitoren e radhës në këtë sezon në NBA pas një kampionati të dështuar vitin e kaluar.

Basketbollistët e ‘qytetit të engjëjve’ triumfuan para shikuesve të vetë në palestrën Staples Center kundër Miami Heat me rezultat 108:105.

Vetëm çereku i dytë i takoi skuadrës mysafire, gjersa në tre të tjerat më të mirë u treguan vendasit.

Basketbollisti më efikas tek triumfuesit ishte Kyle Kuzma me 33 pikë, pesë më pak i shtoi edhe LeBron James.

Te Miami më të mirët në parket ishin Justise Winslow me 28 pikë dhe Bam Adebayo me 12 sosh, por që nuk ishin të mjaftueshme për të shmangur humbjen.

Rezultatet dhe video sekuencat e ndeshejve të mbrëmshme në NBA Rezultatet dhe video sekuencat e ndeshejve të mbrëmshme në NBA

Pas kësaj, Lakersat kanë bilanc prej 17 fitoreve dhe dhjetë humbjeve gjersa për Miamin ky ishte pësimi i 15 kundrejt 11 triumfeve.

Kujtojmë se në takimin e radhës Los Angeles do të takohet me Houston Rockets ndërsa Heatsat do të ballafaqohen me Utah Jazz. /Telegrafi/