Drejtori sportiv i Paris Saint-Germainit, Leonardo ka thënë se lojtar të mrekullueshëm si Lionel Messi do të jenë gjithmonë në listën e tyre të transferimeve.

Ylli argjentinas ka kohë që lidhet me një kalim në Parkun e Princave, pasi në verën e kaluar shprehur pakënaqësitë te Barcelona, duke dorëzuar madje edhe letrën për largim.

Në lidhje me këtë situatë, Leonardo ka thënë se gjashtë herë fituesi i Topit të Artë e ka derën e hapur te PSG.

“Lojtar të mrekullueshëm si Messi gjithmonë janë në listën e PSG-së”, ka thënë Leonardo për France Football.

“Por, tani nuk është koha që të flasim për këtë apo të ëndërrojmë në lidhje me të”.

“Ne jemi ulur në tryezën e madhe të atyre klubeve që po e ndjekin çështjen nga afër. Në fakt, jo, ne nuk jemi ulur ende, por karrigia jonë është e rezervuar për çdo rast”.

“Katër muaj në futboll është një përjetësi, veçanërisht në këtë periudhë”, ka shtuar më tej ai. /Telegrafi/