Llapi dhe Shend Kelmendi kanë ndarë rrugët vetëm gjashtë muaj pasi lojtari kishte nënshkruar.  

Klubi llapjanas me një komunikatë për media ka bërë të ditur shkëputjen e kontratës.

“Me marrëveshje të dyanshme mes sulmuesit Shend Kelmendi dhe klubit tonë është arritur marrëveshja për shkëputjen e bashkëpunimit në mes dy palëve”.

“Gjatë këtyre 6 muajve sa ishte pjesë e Llapit, Shend Kelmendi realizoj 1 gol dhe 2 asistime, kurse gjatë kësaj periudhe u përballë edhe me lëndime, e ndërsa nga sot janë ndarë rrugët me të”.

“KF LLAPI e falënderon Shendin për kontributin e dhënë për klubin gjatë kësaj periudhe duke i dëshiruar suksese në vazhdim”, thuhet në njoftimin e klubit.

Lojtari që ka bërë karrierë te Prishtina dhe Trepça ’89 është në bisedime me disa skuadra.

Mësohet se Drita është njëra nga to që e do lojtarin në afatin kalimtar të janarit, por edhe Flamurtari nuk qëndron pas.

Kampionët e Kosovës janë duke menduar disa përforcime pasi do të jenë kandidat për ta ndjekur trofeun e Kupës, pasi tashmë janë larë në luftë për titull. /Telegrafi/