Liverpooli ka fituar 3-0 në udhëtim te Leeds United në kuadër të javës së katërt në Ligën Premier.

Ndeshja filloi më mirë për The Reds, që filluan të sulmonin nga minuta e parë, duke arritur kështu te goli.

Ishte minuta e 20-të, kur Trent Alexander-Arnold asistoi për Mohamed Salahun, për rezultatin 1-0.

Me këtë rezultat, të dy skuadrat shkuan në pushimin e pjesës së parë.

Në 45 minutat e dytë, Liverpooli vazhdoi me intensitet të lartë të lojës, duke realizuar edhe golin e dytë.

Në minutën e 50-të, Fabinho dyfishoi epërsinë për skuadrën që drejtohet nga Jurgen Klopp, për t’i dhënë ekipit një siguri më të madhe.

Gjërat për Leeds United u përkeqësuan më shumë, pasi Pascal Struijk u ndëshkua me karton të kuq në minutën e 10-të.

Liverpooli nuk u ndal me kaq dhe realizoi edhe golin e tretë ndaj vendasve me anë të Sadio Manes (90+2), që u asistua nga Thiago Alcantara.

Pas javës së katërt, Liverpooli gjendet në vendin e tretë me dhjetë pikë, po aq sa kanë edhe Manchester United e Chelsea me golaverazh më të mirë. /Telegrafi/

Standings provided by SofaScore LiveScore