Legjenda e Juventusit, Trezeguet: Lautaro dhe Lukaku dyshja më e fortë në Serie A

Ish-sulmuesi i Juventusit, David Trezeguet ka thënë se dyshja e Interit, Lautaro Martinez dhe Romelu Lukaku formojnë partneritetin më të fortë në Serie A.

43-vjeçari, i cili shënoi 171 gola në 320 ndeshje me Bianconerët, foli për Tuttomercatoëeb në lidhje me situatën aktuale në Serie A dhe vuri në dukje se sulmuesit e Nerazzurrëve janë më të fortë në ligë.

“Dyshja Lukaku-Lautaro është më e rëndësishmja. Ata janë dy lojtarë që kanë shënuar shumë, ata i përgjigjen nevojave të trajnerit Antonio Conte”, ka thënë fillimisht Trezeguet.

Ish-reprezentuesi i Francës gjithashtu përmendi statistikat e Cristiano Ronaldos në moshën 36-vjeçare dhe formën mbresëlënëse të Milanit nën Stefano Piolin këtë sezon.

“Dhe pastaj është Cristiano Ronaldo, i cili vazhdon të demonstrojë vullnetin dhe vendosmërinë e tij edhe përkundër viteve”.

“Askush nuk e priste Milanin në një nivel të caktuar, por ata po dëshmojnë se janë konkurrues. Niveli i kampionatit është rritur shumë, është më argëtues”, përfundoi ish-sulmuesi francez. /Telegrafi/