Telegrafi Maqedoni ka vazhduar me intervista me personalitete te njohura në Maqedoni për të biseduar me ta për risitë dhe punën e tyre kohëve të fundit. Lindon Berisha është i ftuari jonë i radhës për të diskutuar në lidhje me karrierën e tij, punën në kushte të një pandemi global dhe shumë tema tjera.

Ai ka thënë se është në heshtje puna e tij, përshkak të situatës me pandeminë.

“Tërthorazi jam duke vepruar në punën dhe mbështetjen e artistëve të rinj për të sjell risi dhe cilësi në punën që e bëj” ka thënë ai.

“Sfidat në kohë pandemie janë të mëdha dhe është e vështirë. E them prej përvojës personale. Nuk është e lehtë të mbijetosh në këtë kohë. Interesi i njerëzve për të mos ndjekur projekte dhe këngë të reja. Ne e kemi obligim moral për të mbajtur të zbavitur dhe të përmirësojmë disponimin e tyre” ka thënë Berisha në lidhje me veprimtarinë në pandemi.

Për veprimtarinë në rrjetet sociale, Berisha ka thënë se e kanë lehtësuar qasjen deri tek dëgjuesit. “Rrjetet sociale i shoh si trampolinë ku artisti kërcen nga një zonë konforti tek një senzacion momenti. Por, nëse artisti është serioz atëherë ai vazhdon të mbijetojë në treg duke treguar kualitet” ka thënë këngëtari Berisha, njofton Telegrafi Maqedoni.

“Edhe nëse vendosim cak për të ardhmen, vetë natyra e problemeve na detyron t’i ndryshojmë. Kërkojmë ditë më të mira për të lëshuar projekte. Jemi në kontakt me njerëzit dhe them se projektet po palohen dhe fokusin e kam tek industria, si e thash edhe më herët” u përgjigj ai.

“Në kushte normale them se ia vlen të merresh me muzikë. Varet prej tregut, territorit dhe normal, në diasporë vlerësohemi më shumë. Këtu tekn ne duhet të mbajmë çmim për vlerësim, duke e patur në mendje gjendjen” ka treguar ai për përfitimin e artistëve.

Ai ka thënë se e vlerëson shumë publikun dhe së shpejti do të kthehet me projekte, për të vazhduar me muzikë dhe zbavitje. /Telegrafi/