Komisioni Qendror i Zgjedhjeve (KQZ), ka shtyrë për një ditë tjetër mbajtjen e mbledhjes së paraparë për sot.
Zëdhënësi i KQZ-së, Valmir Elezi para mediave bëri të ditur se mbledhja është shtyrë për një ditë tjetër derisa disa materiale që janë të nevojshme të jenë të gatshme.
Ai foli edhe për disa paqartësi që janë krijuar në opinion për vendosjen e kamerave në qendrat e votimit.
Elezi tha se vendosja e kamerave nuk vlen vetëm për procesin e votimit më 21 prill në komunat në veri të vendit, por edhe për proceset e ardhshme zgjedhore.
“KQZ sqaron se ky nuk është vendim që përfshinë vetëm procesin e votimit për 21 prill, por do të vlejë edhe për proceset tjera zgjedhore. Vendosja e kamerave në vendvotime është planifikuar gjatë hartimeve të akteve nënligjore nga KQZ. Këto dhe rregulloret tjera nuk janë hartuar vetëm për procesin e votimit më 21 prill 2024, por do të vlejnë edhe proceset e tjera zgjedhore”, tha Elezi.
Ai shtoi se vendosja e kamerave brenda hapësirave të vendvotimit bëhet me qëllim që të sigurimit të materialeve zgjedhore dhe ruajtjes së integritetit të procesit të votimit dhe numërimit në vendvotim.
“Në ditën e zgjedhjeve në qendrat e votimit nga proceset zgjedhore nga viti 2009 deri 2021 janë evidentuar parregullsi që kanë ndikuar në integritetin, koston dhe besimin e publikut në zgjedhje. Nga 2009-2021 janë rinumëruar 36% e vendvotimeve. Vendosja e kamerave do të bëhet duke siguruar plotësisht fshehtësinë e votës. Ruajtja e regjistrimit të kamerave do të jetë e përkohshme deri në shkatërrimin e materialit zgjedhor që sipas ligjit bëhet brenda 60 ditëve pas certifikimit të rezultateve”, u shpreh Elezi.
Sa i përket paqartësive tjera lidhur me listën e votuesve në katër komunat në veri të vendit, Leposaviq, Zubin Potok, Zveçan dhe Mitrovicë e Veriut, Elezi sqaroi se KQZ ka ndjekur rrugën ligjore.
“KQZ ka ndjekur rrugën ligjore për përpilimin e listës së votueseve për procesin e votimit 21 prill. Numri i qytetarëve me të drejtë vote në këto komuna është 46 mijë e 556, apo 1461 votues më shumë se në zgjedhjet e mbajtura para një viti më 23 prill 2023”, tha Elezi.
Elezi shtoi se kjo është një rritje e natyrshme e numrit të votuesve, siç ndodh rëndom nga një proces votimi në tjetër.
“Lidhur me deklarimet se numri i votuesve është më i madh se i banorëve rezidentë, sqarojmë se lista e votuesve nuk përmban vetëm qytetarët me të drejtë vote që aktualisht jetojnë në një vendbanim të caktuar, por edhe qytetarët me të drejtë vote që jetojnë jashtë vendit”, tha Elezi. /Telegrafi/
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
Ambasadori i Finlandës: Anëtarësimi i Kosovës në NATO do të bëhet realitet
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
28 vite burgim dhe mbi 50 mijë euro gjobë ndaj shtatë të akuzuarve për kultivimin të bimëve narkotike dhe posedim të marihuanës
'Çmontohet' rrjeti i drogës në Spanjë, 14 të arrestuar përfshirë edhe shqiptarë që transportonin tonelata me kanabis në Evropë
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
Alarmi i Alicia Kearns për Ballkanin, politologët komentojnë deklaratën e deputetes britanike
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe