Kërkohet paraburgim për një person i cili dyshohet se ka përdhunuar dy vajza të mitura në Gjakovë

Prokuroria Themelore në Gjakovë, ka bërë kërkesë në Gjykatën Themelore në Gjakovë, për caktimin e masës së paraburgimit kundër të pandehurit, B.C., nga Komuna e Rahovecit, me dyshimin e bazuar se ka kryer veprën penale “Dhunimi”, nga neni 227 paragraf 4, nen paragraf 4.8 lidhur me paragraf 1, të KPRK-së.

Në njoftimin e bërë nga Prokuroria Themelore thuhet se, në intervalin kohorë mes datave 14-16 shkurt 2020, në Komunën e Gjakovës, saktësisht në një vilë në rr.”Skenderbeu” , pa pëlqimin e të dëmtuarave, të mitura, M.J., dhe A.J., nga fshati Krume, Republika e Shqipërisë, i pandehuri kryen aktin seksual, transmeton Telegrafi.

“Përderisa e dëmtuara M.J., ishte duke qëndruar në parkun e qytetit në Gjakovë, bashkë me motrën e saj, i pandehuri me automjetin e tij “Golf”, fton viktimat kinse për të bërë një gjiro, ku më pas i dërgon në vilë në dy dhoma të ndara. I pandehuri B.C., fillimisht kishte hyrë në dhomën e të miturës A.J., e pasi e kishte kryer aktin seksual me të, kishte vazhduar me viktimën tjetër të mitur M.J., gjithashtu duke kryer aktin seksual edhe me të, ku si këmbim iu kishte dhënë 15 euro, dhe më pas i ka dërguar në vendin e njëjtë ku edhe i kishte marrë paraprakisht”, thuhet në njoftim.

Prokurori i rastit, ndaj të pandehurit ka bërë kërkesë për caktimin e masës së paraburgimit në afat prej 30 ditësh. /Telegrafi/