Kërcënimet dhe frikësimet ndaj policëve të rinj serb, ambasadori Hovenier: Të papranueshme

Ambasadori amerikan, Jeff Hovenier ka reaguar gjithashtu ndaj fushatës kërcënuese që ka filluar në rrejtet sociale, kundrejt qytetarëve nga komuniteti serb të cilët u punësuan në Policinë e Kosovës.

Hovenier ka thënë se kjo që po bëhet është e papranueshme.

Lexo po ashtu Kurti: Kërcënimet ndaj policëve të rinj serbë të papranueshme, ndërkombëtarët të jenë të zëshëm ndaj trysnisë së Beogradit

“Kërcënimet dhe frikësimet ndaj individëve që shërbejnë për të mirën e të gjithë qytetarëve të Kosovës janë krejtësisht të papranueshme. Siç e kam thënë edhe më parë, Policia e Kosovës ekziston për t’i shërbyer të gjitha komuniteteve në Kosovë dhe përbërja e saj duhet të pasqyrojë diversitetin e Kosovës”, ka shkruar ambasadori Hovenier.

Në fillim të kësaj jave e nisën punën 72 policë të rinj nga komunitetet joshumicë.

Në Policinë e Kosovës bënë të ditur se 45 prej tyre janë nga komuniteti serb, 16 nga ai boshnjak, 8 nga komuniteti rom, ashkali dhe egjiptian, si dhe tre turq. /Telegrafi/

Fully share these concerns. Threats & intimidation to individuals serving for the benefit of all of Kosovo’s citizens are completely unacceptable. As I've said before, the Kosovo Police exists to serve all communities in Kosovo & its makeup should reflect Kosovo's diversity. https://t.co/rC4A38V8gM

— Ambassador Jeff Hovenier (@USAmbKosovo) July 26, 2023