Fenerbahce ka njoftuar se Kemal Ademi gjendet në Stamboll për t’i kompletuar testet mjekësore.

Sipas klubit turk, ata kanë arritur marrëveshje me Baselin për transferimin e lojtarit në këtë afat kalimtar.

“Klubi ynë ka arritur marrëveshje në parim me sulmuesin 24-vjeçar, Kemal Ademin dhe klubin e tij, Basel”.

“Lojtari tashmë gjendet në Stamboll për testet mjekësore”, thuhet në njoftimin e Fenerbahces.

Ademi pritet që shumë shpejtë të prezantohet si lojtar i klubit nga Superliga e Turqisë, e që shihet si zëvendësues i Vedat Muriqit që kaloi te Lazio. /Telegrafi/