Juventusi rrezikon seriozisht kalimin nga grupi, mposhtet nga Maccabi Haifa

Maccabi Haiffa ka arritur ta mposht Juventusin me rezultat 2-o në kuadër të xhiros së katërt të fazës së grupeve.

Izraelitët ishin të vendosur që në start duke krijuar raste para portës së Juventusit.

Epërsia erdhi në minutën e shtatë kur Pierre Cornud asistoi te Omer Atzili i cili me kokë shënoi për 1-0.

MACCABI HAIFA 1-0 JUVENTUS
⚽ 7' Omer Atzili (#MaccabiHaifa)pic.twitter.com/VKLxTmp9eg

— All goals replay (@goalsreplayg) October 11, 2022

Në minutat 12 dhe 13, Maccabi kishte edhe dy raste me Tjarron Cheryn dhe Atzilin, por kësaj radhe nuk e gjetën rrjetën.

Tifozët pritnin rikthimin e Juventusit, por ishte Maccabi që krijonte dhe me meritë shënoi edhe golin e dytë.

Omer Atzili pranoi një top në zonë dhe me një gjuajtje të bukur shënoi për 2-0.

GOAL WHAT A STRIKE.
Maccabi Haifa 2-0 Juventus
Omer Atzili scores again. Juventus getting closer to Europa League by the minute. pic.twitter.com/rDiGVIr5dr

— Football Centre (@FTCentre) October 11, 2022

Juventusi krejt në fun kishte një rast me Dusan Vlahovicin, por portieri Joh Cohen priti, ndërsa nga topi i kthyer nuk arriti të shënojë Arek Milik.

Zonja e Vjetër bëri shumë ndryshime në pjesën e dytë, por që nuk ia arriti të bëjë diçka më shumë në këtë përballje.

Daniele Rugani ishte i pari që rrezikoi, por nuk ia arriti të shënojë.

Juventusi kërkoi penallti në minutën e 67-të, pas rrezikimit në zonë nga Juan Cuadrado, por gjyqtari nuk akordoi një të tillë.

Deri në fund edhe pse bëri trusni Zonja e Vjetër, nuk ia arriti të shënojë.

Tani Juventusi ka vetëm tri pikë, aq sa Maccavi Haifa, dhe kualifkimi nuk është më në dorën e tyre, pasi PSG dhe Benfica kanë nga shtatë pikë. /Telegrafi/