Paulo Dybala kërkohet nga Interi, Manchester Unitedi, Bayern Munichu dhe Paris Saint-Germaini, mirëpo Juventusi kërkon 80 milionë euro përnjëherë plus 20 milionë te tjera në formë shtesash.

RMC Sport ka raportuar gjatë javës së drejtori i PSG-së, Leonardo, besonte se mund ta transferojë argjentinasin për 50 milionë euro për shkak të ndryshimeve që pritet të ndodhin te Zonja e Vjetër në rast të transferimit të Mauro Icardit.

Mirëpo, Calciomercato.com bën të ditur se Bianconerët nuk heqin dorë nga shuma totale prej 100 milionë eurosh (80 përnjëherë plus 20 milionë te tjera në formë shtesash).

Të gjitha lajmet nga Paulo Dybala Të gjitha lajmet nga Paulo Dybala

Manchester Unitedi konsiderohet favorit për shërbimet e La Joya, pasi ai dëshiron një rol kyç në skuadrën ku do të luajë.

Për më shumë, ai mund të përfshihet edhe në marrëveshjen për transferimin e Paul Pogbas në drejtim të kundër.

Sidoqoftë, ai ua ka lënë derën hapur edhe Paris Saint-Germainit dhe Bayern Munichut, por nuk dëshiron t’i bashkohet Interit, edhe nëse përfshihet në marrëveshjen e shkëmbimit me Icardin. /Telegrafi/