Juventus - Atalanta është anuluar për shkak të rreshjeve të mëdha të borës.
Autoritetet e Serie A kanë konfirmuar se ndeshja është anuluar dhe është caktuar që të zhvillohet në datat 13 ose 14 mars sipas mediave në Itali.
Foto: Getty Images
Ishte supozuar që ndeshja të zhvillohej nga ora 18, por bora e madhe në Torino u intensifikua në mënryë të konsiderueshme dhe zhvillimi i ndeshjes ishte i pamundur.
Ndeshja nuk mund të zhvillohet ditën e nesërme sepse pikërisht këto dy ekipe do të përballen të mërkurën në kuadër të gjysmëfinales së Kupës së Italisë.
Foto: Getty Images
Juventusi ka një kalendar të ngjeshur me ndeshje, e shumë varet nëse Bianconerët kualifikohen më tutje në Ligën e Kampionëve.
Sipas Sky Sport Italias, datat më të mundshme për t'u zhvilluar ndeshjet janë 13 ose 14 marsi.
Foto: Getty Images
Këto zhvillime ja mundësojnë Napolit që së paku edhe një javë të mbajë kreun në tabelën e Serie A. /Telegrafi/
Foto: Getty Images
