Divock Origi e ka bërë sërish. Belgu si herave të tjera, shënoi një tjetër gol në derbin e Merseyside të së dielës – dhe trajneri i Liverpoolit, Jurgen Klopp tregoi vlerësimin e tij për sulmuesin pas vërshëllimes së plotë.

Sulmuesi 27-vjeçar, i cili ka shënuar gjashtë gola kundër Toffees në të gjitha garat për Liverpoolin që nga transferimi i tij nga Lille në vitin 2014, hyri si zëvendësues në pjesën e dytë përpara se të shënonte nëminutën 85-të.

“Unë mendoj se Divock Origi nuk do të hyjë në lojë nëse nuk është kundër Evertonit”, ka thënë analisit i Sky Sports dhe ish-mbrojtësi i Liverpool, Jamie Carragher, pasi rezultatit 2-0.

Në derbin e zjarrtë lokal, Liverpooli triumfon me rezultat komod ndaj Evertonit Në derbin e zjarrtë lokal, Liverpooli triumfon me rezultat komod ndaj Evertonit

Pas fishkëllimës së plotë, Jurgen Klopp i dha Origit, i cili pritet të largohet nga Anfield në fund të sezonit, një nga ‘përqafimet’ më të mëdha që kemi parë prej disa kohësh nga një trajner, teksa ai festoi tre pikët vendimtare në Ligën Premier.

Dhe në intervistën e tij pas ndeshjes me Sky, trajneri i Liverpoolit ishte plot lëvdata për belgun – një lojtar që ai mendon se do të “shpërthejë” në klubin e tij të ardhshëm.

“Ne nuk do të kemi kurrë një lojtar si ai, sepse nëse ai largohet, ai do të shpërthejë kudo që të shkojë”, deklaroi Klopp. “Ai është një sulmues i klasit botëror, ai është një legjendë dhe do të mbetet një legjendë përgjithmonë”.

“Ai nuk është gjithmonë në formacionin startues, që është qesharake, por ai është aty kur ne kemi nevojë për të çdo herë. Ai ishte i përfshirë në të dyja ndeshjet”.

Origi pritet t’i bashkohet Milanit si lojtar i lirë, pasi nuk ka pranuar të rinovojë kontratën me Liverpoolin, shkaku që dëshiron të luajë standard. /Telegrafi/