Utah Jazz ka arritur të vazhdoj me befasi në NBA.

Pasi siguruan Play – Offin si skuadra e katërt në Perëndim, Jazz tani kanë kaluar në seri të fitoreve ndaj Oklahoma City Thunder 2-1.

Në ndeshjen e tretë të zhvilluar në Vivint Smart Arena, Jazz ka triumfuar me 13 pikë diferencë 115-102 ndaj Thunder.

Fundori spanjoll, Ricky Rubio ishte më meritori për këtë fitore pasi arriti ‘Triple – Double’.

Rubio shënoi 26 pikë, pati 11 kërcime dhe dhuroi 10 asistime në këtë fitore të rëndësishme të Jazz.

Paraqitje të mirë pati edhe ‘Rookie’, Donovan Mitchell që shënoi 22 pikë e 11 kërcime.

Ndërkohë ndeshjen me 21 pikë e mbylli Ingles, derisa qendra franceze Rudy Gobert shtoi 18 të tjera.

Paul George ishte më efikasi tek mysafirët me 23 pikë, ndërsa dyshja Russell Westbrook dhe Carmelo Anthony nuk arritën më shumë se 14.

Donovan Mitchell dhe Rusell Westbrook gjatë një dueli (Photo /Getty Images)

Jazz do ta luajnë edhe ndeshjen e ardhshme në palestrën e tyre.

Minnesota Timberwolves ka arritur fitoren e parë ndaj Houston Rockets 1-2.

Të udhëhequr nga Jimmy Butler, Wolves kanë triumfuar me 16 pikë diferencë 121-105.

Butler shënoi 28 pikë, ndërsa me paraqitje të mirë u dalluan edhe Jeff Teague që shtoi 23 dhe Andrew Wiggins me 20.

Ndeshja e ardhshme përsëri luhet në terren të Minnesotas që ka mundësi të barazoj serinë në 2-2.

New Orleans Pelicans është skuadra e parë që ka kaluar në raundin tjetër pasi ka triumfuar edhe në ndeshjen e katërt ndaj Portland Trail Blazers 131-123.

Anthony Davis me 47 pikë dhe Jrue Holiday me 41 të tjera ishin më meritorët për këtë fitore të Pelicans. /Telegrafi/

Konferenca e Perëndimit:

New Orelans Pelicans – Portland Trail Blazers 131-123 (4-0)

Minnesota Timberwolves – Houston Rockets 121- 105 (1-2)

Utah Jazz – Oklahoma City Thunder 115 – 102 (2-1)

Konferenca e Lindjes:

Miami Heat – Philadelphia 76ers 102 – 106 (1-3)