0Shares

Ish-mbrojtësi i njohur holandez, Jaap Stam, ka deklaruar se humbja me Milanin nga Liverpooli në vitin 2005 dhemb më shumë dhe i kujtohet më shumë se sa triumfi në vitin 1999 me Manchester Unitedin në Ligën e Kampionëve.

Stam ishte përfshirë në disa finale të Ligës së Kampionëve, një prej të cilave finalja e Stambollit ku Milani lëshoi epërsi 3-0 dhe humbi në penalti nga Liverpooli.

Ashtu si për shumë lojtarë që humbja është e papranueshme, edhe për Stamin kjo disfatë ende po e mundon. Aq shumë, sa që e konsideron momentin që më së shumti e mendon nga karriera se sa triumfi me Manchester Unitedin.

Lajmet e fundit rreth Milanit Lajmet e fundit rreth Milanit

“Kur dikush përmend finalen e Ligës së Kampionëve, gjithnjë mendoj për një humbje para triumfit në vitin 1999, dhimbja e asaj humbje në vitin 2005 ka qëndruar gjatë, vazhdon të qëndrojë”.

“Kur goli i parë i Liverpoolit hyri, ne humbëm organizimin dhe fokusin. Kur shkuam në penalti, ishim të demotivuar, ata ishin të motivuar. Por, harroni spekulimet se ne kemi festuar në pjesë të parë – ne kem pasur shumë përvojë për ët bërë një gjë të tillë”, u shpreh Stam.

Mbrojtësi ishte pjesë e Milanit në kohën kur klubi Rossoner dominonte futbollin italian.

Stam dikur konsiderohej një nga mbrojtësit më të mirë në botë. /Telegrafi/

Të Ngjajshme
Shfaq Komentet (0)