LAJMI I FUNDIT:

Izraeli sulmohet përsëri nga Hezbollahu – 14 ushtarë të plagosur, shumë prej tyre në gjendje të rëndë

Izraeli sulmohet përsëri nga Hezbollahu – 14 ushtarë të plagosur, shumë prej tyre në gjendje të rëndë

Grupi militant libanez Hezbollah ka marrë përgjegjësinë për një sulm ndërkufitar me dron dhe raketa në veri të Izraelit që ka lënë të plagosur 14 ushtarë, gjashtë prej tyre në gjendje të rëndë.

Siç raportohet, ky ishte një nga sulmet më të mëdha në muajt e fundit nga Hezbollahu, si përfaqësuesi më i fuqishëm rajonal i Iranit.


Bëhet e ditur se sulmi vjen pas vrasjes së dy komandantëve të grupit militant nga Izraeli, ndërsa frika për një konflikt më të gjerë vazhdon e rritet.

Sipas informacioneve nga ushtria izraelite, Hezbollahu ka sulmuar me dy raketa antitank në fshatin kufitar beduin izraelit, Arab al-Aramshe, përpara se të sulmonte edhe me dron.

Izraelitët janë shprehur të shqetësuar për aftësinë e dukshme të Hezbollahut për të përcaktuar vendndodhjen e ushtarëve dhe shënjestrimin e tyre, shkruan The New York Times, përcjell Telegrafi.

Por, e menjëhershme ka qenë edhe kundërpërgjigja e Izraelit i cili ka sulmuar thellë brenda Libanit në luginën Bekaa, bastionin e Hezbollahut në kufirin sirian.

Ndryshe, për më shumë se gjashtë muaj, Hezbollahu dhe Izraeli kanë qenë të bllokuar në një konflikt të tensionuar ndërkufitar të nisur që nga sulmi i Hamasit më 7 tetor.

Përpjekjet diplomatike të udhëhequra nga SHBA-ja për t’i dhënë fund luftimeve në Lindjen e Mesme po vazhdojnë.

Megjithatë, Hezbollahu e ka bërë të qartë vazhdimisht se nuk do të marrë pjesë në asnjë bisedë diplomatike derisa Izraeli të përfundojë luftën në Gazë. /Telegrafi/

Në trend Botë

Më shumë
Huliganët në Beograd rrahën për vdekje vëllain e zëvendës-presidentit të Qeverisë së Federatës së Bosnjës dhe Hercegovinës

Huliganët në Beograd rrahën për vdekje vëllain e zëvendës-presidentit të Qeverisë së Federatës së Bosnjës dhe Hercegovinës

Serbia
Gjermania forcon të drejtat e të huajve pa nënshtetësi, shkak bëhet një djalë nga Kosova

Gjermania forcon të drejtat e të huajve pa nënshtetësi, shkak bëhet një djalë nga Kosova

Botë
Ligjvënësi amerikan, Tajvanit: Armët po vijnë

Ligjvënësi amerikan, Tajvanit: Armët po vijnë

Botë
Shtetet baltike bashkohen me Norvegjinë, Finlandën dhe Poloninë për të ndërtuar

Shtetet baltike bashkohen me Norvegjinë, Finlandën dhe Poloninë për të ndërtuar "murin kundër dronëve të Rusisë"

Botë
Zelensky: Na lejoni të godasim objektivat brenda Rusisë

Zelensky: Na lejoni të godasim objektivat brenda Rusisë

Botë
Kishte rreth 200 njerëz brenda – momenti i sulmit të qendrës tregtare në Kharkiv të Ukrainës, nga i cili mbetën disa të vdekur

Kishte rreth 200 njerëz brenda – momenti i sulmit të qendrës tregtare në Kharkiv të Ukrainës, nga i cili mbetën disa të vdekur

Botë
Kalo në kategori