LAJMI I FUNDIT:

Ish-ylli i Manchester United i bashkohet Gerrardit në Arabinë Saudite

Ish-ylli i Manchester United i bashkohet Gerrardit në Arabinë Saudite

Jesse Lingard është afër nënshkrimit për skuadrën saudite Al-Ettifaq, ekip që drejtohet nga ish-kapiteni i Anglisë dhe Liverpoolit, Steven Gerrard.

Lingard luajti në një miqësore dhe shënoi kundër Al Khaldiya këtë javë, me bisedimet që vazhdojnë për një marrëveshje të përhershme.

Trajneri i Al Ettifaq, Steven Gerrard dëshiron që Lingard të bëhet pjesë e skuadrës së tij, por nuk është në gjendje ta bëjë këtë deri në janar për shkak të rregullit me lojtarë të huaj në Arabinë Saudite.

Rregullat thonë se klubet e Ligës Saudite mund të kenë në maksimum vetëm tetë lojtarë të huaj në skuadrën e tyre ditën e ndeshjes.

Siç qëndron gjendja për momentin, Al Ettifaq tashmë ka 10 lojtarë të regjistruar, duke përfshirë këtu ish-kapitenin e Liverpoolit, Jordan Henderson dhe ish-anësorin e Everton, Demarai Gray.

Disa nga lojtarët e huaj në skuadër do të duhet të largohen në janar për të hapur rrugë që Lingard të bëhet edhe zyrtarisht një lojtar i Al Ettifaq.

Në një intervistë për Sky Sports më herët, Lingard nuk e përjashtoi mundësinë që një ditë të luajë në Arabinë Saudite.

“Unë jam duke shqyrtuar të gjitha opsionet. Kurrë nuk kam përjashtuar asnjë klub, kështu që për mua është thjesht zgjedhja e ekipit të duhur dhe kjo ka rëndësi për mua”, kishte thënë fillimisht Lingard.

Tutje ai ishte shprehur se në vitet në vazhdim, Arabia Saudite do të jetë destinacion për shumë lojtarë të tjerë.

“Arabia Saudite po bën gjëra të mëdha dhe në dy vitet e ardhshme do të jetë një nga destinacionet kryesore për të shkuar”, ka përfunduar ai.

Lingard mbeti një lojtar i lirë, pasi u largua nga Nottingham Forest kur kontrata e tij njëvjeçare skadoi në fund të sezonit të kaluar dhe së fundmi ka qenë duke u stërvitur në qendrën stërvitore të Al-Ettifaq./Telegrafi/


Në trend Sport

Më shumë
Aguero po i kthehet futbollit - mori licencën e kardiologut dhe iu bashkua ish-skuadrës

Aguero po i kthehet futbollit - mori licencën e kardiologut dhe iu bashkua ish-skuadrës

Ndërkombëtare
Pas dënimit të madh me burg, Dani Alves merr një goditje të rëndë edhe nga Barcelona

Pas dënimit të madh me burg, Dani Alves merr një goditje të rëndë edhe nga Barcelona

La Liga
Tre gjigantët e Ligës Premier e duan Simone Inzaghin

Tre gjigantët e Ligës Premier e duan Simone Inzaghin

Ndërkombëtare
Zidane tregon emrat e dy trajnerëve prej të cilëve ka mësuar shumë

Zidane tregon emrat e dy trajnerëve prej të cilëve ka mësuar shumë

La Liga
Ylli i Arsenalit është 'i pakënaqur' në Emirates dhe mund të largohet edhe nëse fiton Ligën Premier

Ylli i Arsenalit është 'i pakënaqur' në Emirates dhe mund të largohet edhe nëse fiton Ligën Premier

Premier League
Hansi Flick dëshiron dy lojtarë të Manchester United nëse bëhet trajneri i Barcelonës

Hansi Flick dëshiron dy lojtarë të Manchester United nëse bëhet trajneri i Barcelonës

La Liga
Kalo në kategori