Inteligjenca Artificiale krijon formacionin më të mirë në histori të Manchester United – shumë legjenda mbesin jashtë tij
Formacioni më i mirë në histori të Manchester United është krijuar nga Inteligjenca Artificiale – dhe ndërsa Cristiano Ronaldo është i përfshirë në të, nuk ka vend për legjenda si Ryan Giggs, David Beckham apo golashënuesi rekord i klubit, Wayne Rooney.
Disa nga lojtarët më të mirë në planet kanë veshur fanellën e United gjatë historisë së klubit, nga ‘Busby Babes’ te ‘Fergie’s Fledglings’ dhe më gjerë. Sigurisht, në të gjitha pozicionet, nuk mungojnë opsionet kur bëhet fjalë për zgjedhjen e formacionit më të mirë ndonjëherë.
Është interesante se përzgjedhja e formuar nga AI nuk përfshin asnjë që aktualisht luan për klubin.
Në gol është Peter Schmeichel, danezi që iu bashkua Djajve të Kuq në 1991 nga Brondby dhe u bë një figurë kyçe në një ekip jashtëzakonisht të suksesshëm nën Sir Alex Ferguson. Ai bëri gjithsej 398 paraqitje për United dhe fitoi pesë tituj të Ligës Premier gjatë kohës së tij në klub.
Gary Neville është mbrojtësi i djathtë i zgjedhur. Mbrojtësi i lindur në Bury është në mesin e një grupi të përzgjedhur lojtarësh që kanë luajtur për United në karrierën e tyre dhe vazhduan të paraqiteshin mbi 600 herë me fanellën e Djajve të Kuq.
Ndërkohë, dy qendërmbrojtësit në skuadër janë dyshja e Rio Ferdinand dhe Nemanja Vidic. Dyshja luajtën së bashku te Djajtë e Kuq për gati një dekadë dhe fituan trofe të shumtë, duke përfshirë Ligën e Kampionëve të vitit 2008. Ferdinand realizoi 455 paraqitje për klubin, ndërsa Vidic arriti saktësisht 300. Të tillë si Gary Pallister, Bill Foulkes dhe Jaap Stam mbetën jashtë.
Në anën e majtë të katërshe është Dennis Irwin, i cili ishte pjesë e asaj skuadre Ferguson gjatë viteve 1990, e cila pati shumë sukses. Reprezentuesi i Republikës së Irlandës arriti kulmin e fuqive të tij në United, si dhe pati paraqitje edhe te Leeds, Oldham dhe Wolves.
Në qendër të mesfushës janë Roy Keane dhe Paul Scholes.
Keane, i cili kaloi në Old Trafford nga Nottingham Forest në vitin 1993, është i njohur për natyrën e tij të ashpër, por ishte gjithashtu një teknik i shkëlqyer dhe ishte jetik për skuadrën e Ferguson. Scholes, ashtu si Neville, ishte një lojtar mahnitës dhe bëri 718 paraqitje për Djajtë e Kuq, duke shënuar 155 herë.
George Best konsiderohet gjerësisht si një nga lojtarët më të talentuar natyrshëm që United ka pasur ndonjëherë falë aftësisë së tij për të fituar ndeshje gjatë viteve ’60-ta dhe në fillim të viteve ’70-ta të klubit.
Një anëtar i dytë i të ashtuquajturës ‘Trinia e Shenjtë’ e United, Sir Bobby Charlton, i cili ishte kyç për Busby, gjithashtu është pjesë e formacionit. Ai shënoi 249 gola në 758 ndeshje, një rekord klubi përpara se të thyhej nga Rooney.
Ai lë vetëm dy vende të zbrazëta dhe Ronaldo merr një prej tyre. Pesë herë fituesi i Topit të Artë është emri më i madh që ka luajtur ndonjëherë për United, pasi ai është futbollisti më i njohur në histori së bashku me Pelen, Diego Maradonan dhe Lionel Messin.
Vendi tjetër në krah është i mbuluar nga Eric Cantona, i cili u bë një hero gjatë kohës së tij në Old Trafford për mënyrën e tij të lojës dhe mënyrën se si performoi në fushë. Edhe pse Cantona regjistroi paraqitjet më të pakta me fanellën e United në skuadër (185), ai është përzgjedhur përpara legjendave të klubit si Rooney, Ruud van Nistelrooy dhe anëtari i tretë i ‘Trinisë së Shenjtë’ të United, Denis Laë.
Këtu është 11-ja e Man Utd e përzgjedhur nga Inteligjenca Artificiale: Schmeichel; Neville, Ferdinand, Vidic, Irwin; Keane, Scholes; Best, B. Charlton, Ronaldo, Cantona. /Telegrafi/
Lufta Prigozhin - Putin
Më shumëNga Rubrika
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
Dy yjet e Gironas u goditën kokë më kokë, u dërguan menjëherë në spital
“Nuk ishte gabim i Araujos, ishte meritë e imja” – Barcola kthehet të flas për momentin vendimtar në ndeshjen Barcelona-PSG
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre
Dy yjet e Gironas u goditën kokë më kokë, u dërguan menjëherë në spital
Driblim që ta kujton "Fenomenin" - Mbappe turpëroi lojtarin kundërshtar
“Nuk ishte gabim i Araujos, ishte meritë e imja” – Barcola kthehet të flas për momentin vendimtar në ndeshjen Barcelona-PSG
"Ai tha se na gënjeu", Toni Kroos zbulon fjalët Carlo Ancelottit përpara El Clasicos
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre