Imazhet përbrenda shtëpisë luksoze të Dua Lipës dhe Anwar Hadidit në Londër

Dua Lipa është parë shpesh duke jetuar në të gjithë botën, duke shijuar pushimet luksoze me miqtë dhe duke realizuar koncerte për miliona fansat e saj, megjithatë, jeta e saj në shtëpi është po aq luksoze.

Këngëtarja e hitit “Levitating” jeton në një shtëpi luksoze në Londër, pasi doli në tregun e pronave në vitin 2017 kur ishte vetëm 22 vjeçe. Dua e ndan kohën e saj midis Mbretërisë së Bashkuar dhe ShBA-së me të dashurin dhe modelin Anwar Hadid, megjithatë, besohet se çifti u izolua në shtëpinë e saj në Londër gjatë pandemisë së coronavirusit, shkruan Hello.

Artistja është shumë private në lidhje me shtëpinë e saj, megjithatë ajo ka ndarë disa shikime të fshehta në rrjetet sociale, duke treguar tiparet mahnitëse të pronës, siç janë muret me tulla të ekspozuara, dritaret e tavanit dhe tavolinat e punës prej mermeri.

Shikoni më poshtë disa nga ambientet më luksoze të shtëpisë së yllit me prejardhje shqiptare.

Dhoma e ndjenjës

Ne jemi të dashuruar me murin e ekspozuar me tulla në dhomën komode të jetesës së Duas, të kompletuar me dyer rrëshqitëse prej xhami dhe një dritare e cila ofron shumë ndriçim natyral. Shtrati i saj argëtues sjell shumë ngjyra në dhomë, perfekte për netët e verës në shtëpi.

Këngëtarja tregoi më shumë nga muret e saj të ekspozuara me tulla në Instagram, përmes fotografive të ndara me ndjekësit e saj.

Kuzhina e Dua Lipës

Kuzhina e Duas është po aq argëtuese, me tipare të ngjyrës blu të errët dhe një tavolinë pune prej mermeri. Këngëtarja madje i ka përshtatur pajisjet me skemën e ngjyrave.

Banja

Banjo e këngëtares duket e mahnitshme, ku dominon ngjyra e zezë dhe mermeri në të gjithë hapësirën. Banja duket se ka një pasqyrë të madhe përpara, dhe një vaskë të madhe dushi, e cila mund të shihet në sfond.

Dhoma e gardërobës

Dua ndau një ‘selfie’ nga brenda gardërobës së saj me ndjekësit në rrjetet sociale, duke treguar hapësirën e saj të organizuar të kompletuar me varëse rrobash dhe shina kur mund të ekspozohen ato. Muret kanë një ngjyrë të bukur blu, me një qilim krem neutral në dysheme.

Kopshti i Dua Lipës

Këngëtarja ndau një fotografi mahnitëse teksa merrte rreze dielli në kopshtin e saj, nga ku mund të shihej dhoma e qëndrimit ditor. Ylli ka poça prej argjendi përgjatë mureve, perfekte për të argëtuar mysafirët në mbrëmje. /Telegrafi/