Mauro Icardi zyrtarisht ka lënë kampin e trajnimit të Interit në Lugano me pëlqimin e ndërsjellë dhe do të vazhdojë punën e tij në Milano, njoftoi klubi italian.

Klubi italian ka konfirmuar se Icardi ka lënë kampin e trajnimit para-sezonal për t’u kthyer në Milano.

Të gjitha lajmet rreth Mauro Icardit Të gjitha lajmet rreth Mauro Icardit

“Mauro Icardi do të kthehet në Milano sot nga kampi i trajnimit para-sezonal në Lugano”.

“Klubi dhe sulmuesi argjentinas e bënë këtë vendim me pëlqimin e ndërsjellë”.

“Icardi do të vazhdojë punën e tij të kondicionimit gjatë ditëve të ardhshme dhe nuk do të marrë pjesë në turneun veror në Azi”, thuhet në njoftimin e Interit.

Icardi dhe Radja Nainggolan thuhet se janë përjashtuar nga trajnimet taktike me trajnerin e ri Antonio Conte.

Duke e kuptuar se nuk kishte shpresë të ndryshonte mendjen e klubit, thuhet se ai mori një tren dhe u largua nga kampi i Interit për një kthim në Milano.

Marotta: Icardi dhe Nainggolan nuk janë në planet e Interit, ua kemi konfirmuar se janë në shitje Marotta: Icardi dhe Nainggolan nuk janë në planet e Interit, ua kemi konfirmuar se janë në shitje

Interi thuhet se kërkon 60 milionë euro për shitjen e tij, e cili është gjysma e 120 milionë eurove të kërkuar për atë një vit më parë.

Napoli dukej i përgatitur për të paguar këtë shumë, por mediat italiane vazhdojnë të insistojnë se Icardi dëshiron të bashkohet vetëm me Juventusin. /Telegrafi/