Humbja e parë për Tuchel në Ligën Premier – Chelsea mposhtet në shtëpi nga WBA

Chelsea ka pësuar humbje 5-2 në shtëpi ndaj West Bromwich Albionit në kuadër të javës së 30-të në Ligën Premier.

The Blues e filluan më mirë takimin, duke kaluar në epërsi me anë të Christian Pulisic në minutën e 27-të.

Dy minuta më vonë, The Blues ishin të pafat, pasi Thiago Silva pranoi edhe kartonin e dytë të verdhë, duke u përjashtuar nga takimi.

🔴 Thiago Silva is shown a second yellow card for a foul on Yokuslu. The Blues are down to ten.

🔵 1-0 🔰 [29'] #CHEWBA

— Chelsea FC (@ChelseaFC) April 3, 2021

Kështu, WBA përfitoi nga epërsia numerike dhe i barazoi shifrat me anë të Matheus Pereira që shënoi në minutën e 45+2-të.

Nuk vonoi shumë dhe Pereira (45+4′) përmbysi rezultatin, duke i dhënë kështu skuadrës së tij epërsinë.

What a turnaround! 😅#CHEWBA | @eToro

— West Bromwich Albion (@WBA) April 3, 2021

Pjesa e dytë ishte edhe më e hidhur për skuadrën që drejtohet nga Thomas Tuchel, pasi pranuan edhe dy gola të tjerë.

Ishte Callum Robinson që shënoi për 3-1 në minutën e 63-të, derisa Diagne (68′) që përfitoi nga një asistim i Pereiras, shënoi për 4-1.

Wow. Wow. Wow. Callum Robinson, that is beautiful! 😍@MonsterEnergy | #CHEWBA

— West Bromwich Albion (@WBA) April 3, 2021

Mason Mount që u fut në lojë në pjesë të dytë arriti që të ngushtonte epërsinë e mysafirëve me një gol në minutën e 71-të, nga një asistim i Timo Werner.

Robinson nuk u ndal me kaq dhe e shënoi edhe golin e tij të dytë personal dhe të pestin për WBA-në për rezultatin final të takimit, 5-2.

ROBBOOO!! It’s five! 🤤@MonsterEnergy | #CHEWBA

— West Bromwich Albion (@WBA) April 3, 2021

Tuchel e përjetoi humbjen e parë në Ligën Premier, pas 14 ndeshjeve që kishte pranuar vetëm fitore dhe barazime, derisa sot pranuan katër gola, aq që se kishin bërë pothuajse për të gjitha ndeshjet që është në krye të skuadrës.

Pas javës së 30-të, Chelsea gjendet në vendin e katërt me 51 pikë, derisa në xhiron e 31-të do të takohen me Crystal Palacen. /Telegrafi/