Ky ishull i vogël vullkanit lirisht mund të thuhet se gjendet në fund të botës, dymijë kilometra larg ishullit më të afërt të banuar dhe afro 2.500 kilometra nga Afrika e Jugut.
Tristan Da Cunha është një ishull në jug të Oqeanit Atlantik. Është vend i papërshtatshëm për jetesë, për faktin se shumica e terrenit është kodrinor, dhe në një vend të vetëm që është i rrafshët gjendet zona Edinburg apo “Edinburg në shtatë dete”, transmeton Telegrafi.
Grupin e vogël të ishujve vullkanik e kishte zbuluar në vitin 1506 portugezi Tristao Da Cunha dhe për këtë ka marrë emrin e tij. Ndërkaq në shekullin e 17-të atë e kanë eksploruar edhe holandezët, por tek në shekullin e 19-të gjuetarët e balenave treguan interesim për këtë ishull. Tre amerikanë ishin munduar që ishullin ta shndërrojnë në një zone tregtie dhe ta kolonizojnë, por ky plan u dështoi pas që gjatë peshkimit dy prej tyre humbën jetën.
Banori i parë i ishullit ka qenë hulumtuesi amerikan Jonathan Lambert i cili kishte mbërritur në vitin 1810, dhe shpalli veten pronar të këtij ishulli. Por “mbretëria” e tij në këtë ishull nuk zgjati shumë, për faktin se humbi jetën në një aksident me anije dhe atë pas vetëm dy viteve pasi ishte vendosur në këtë ishull.
Në vitin 1816 ishullin e morën britanikët pasi frikësoheshin se mund ta shfrytëzojnë francezët dhe ta ndihmojnë Napoleonin. Aty filloi të lulëzoj numri i banorëve, kurse gjuetarët e balenave zhvillonin bizneset e Tristan Da Cunha filloi t’i ngjajë një vendi të civilizuar.
Por, jeta në këtë vend të largët nuk ka qenë gjithmonë e lehtë, banorët shpesh janë ndërruar, dhe në një moment në ishull kanë jetuar vetëm katër familje. Me rënien e gjuetisë së balenave dhe stopimin e industrisë gjatë luftës civile në SHBA, izolimi filloi të lë gjurmë.
Në vitin 1867, djali i mbretëreshës Victoria, princi Alfred, duka i Edinburgut, vizitoi ishullin dhe e riemëroi në “Edinburgu prej shtatë deteve”, emër ky që nuk është pranuar nga shumica e banorëve. Ata gjithashtu nuk e pranuan as humbjen. Kundërshtimin e kanë shfaqur duke perfeksionuar “zanatin” e kapjes së balenave. Izolimi në ishull arriti kulmin gjatë Luftës së Parë Botërore, ku gjatë 10 viteve të ardhshme as edhe një letër nuk ka arritur në ishull.
Banorët e ishullit nuk kanë pasur kurrfarë kontakti me botën e jashtme deri në vitin 1919, kur edhe e kuptuan se ka përfunduar lufta. Por, gjatë luftës, banorët e Tristan De Cunha nuk dinin shumë se çfarë po ndodhte, edhe pse ishullin e kishte shfrytëzuar marina amerikane për të zmbrapsur nëndetëset e nazistëve.
Sot në të jetojnë 267 persona dhe kanë spital dhe treg. Por, jo edhe aeroport, televizion e as gazetë. Ekziston një port i vogël në të cilin punojnë peshkatarët, kurse në ishull janë të ndërtuara edhe shkolla, spitali, muzeu, kafiteritë dhe pishina. Shumica e të rinjve sapo të mbushin 16 vjet, studimet i vazhdojnë në Britani të Madhe. Megjithatë banorët vazhdojnë të jetojnë pa energji elektrike, por kënaqen në qetësi dhe ato 70 familje merren me bujqësi që ndajnë mes vete të mbjellat.
Largësia dhe kushtet klimatike ndikojnë që edhe sot e kësaj dite të ketë vonesa në postë, dhe për këtë arsye banorët detyrohen t’i porositin gjësendet me muaj më parë. Ata thjesht nuk kanë kurrfarë brenge, por ajo çfarë i shqetëson në masë të vogël është vullkani aktiv në afërsi të vendit ku banojnë. Shpërthimi i fundit i këtij vullkani kishte ndodhur në vitin 1961, me ç’rast ishin evakuuar të gjithë banorët. Shumica prej tyre ishin kthyer pas dy viteve sapo e kuptuan se ka kaluar rreziku. /Telegrafi/
Promo
Reklamo këtuLufta Prigozhin - Putin
Më shumëUkrainasit përdorin për herë të parë raketat amerikane me rreze të gjatë
Kush është serbi nga Prishtina që Beogradin mund t'ia merr Vuçiqit në zgjedhjet e 2 qershorit
Paka para se të lansonte raketat mbi pozicionet e ukrainasve, sistemi raketor rus Buk-M1 shkatërrohet – goditet direkt
Mercenari serb që lufton për rusët në Ukrainë i ankohet Putinit, thotë se nuk iu dha shtetësia ruse
Eurodeputeti sllovak nxori pëllumbin dhe e lëshoi në Parlamentin Evropian si gjest i paqes në botë – i reagojnë të pranishmit
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën