Harry Kane barazon rekordin historik 16-vjeçar tek Bayerni pas golit ndaj Gladbach

Harry Kane ka barazuar rekordin e Bayern Munichut pas fitores me rezultat 3-1 ndaj Borussia Monchengladbach.

Kane shënoi golin e tij të 24-të në ligë këtë sezon në fitoren ndaj Gladbachut, me djemtë e Thomas Tuchel të cilët u desh të përmbysin rezultatin për të marrë fitoren në “Allianz Arena”.

Pasi portieri mysafir dështoi të grushtojë topin pas krosimit të Raphael Guerreiros, Kane u gjend mirë në zonë për të shënuar me kokë në portën e zbrazët.

Pasi bëri këtë, ai barazoi një rekord të Bayernit që ka qëndruar për plotë 16 vite.

View this post on Instagram

A post shared by Telegrafi Sport (@telegrafisport)

Asnjë lojtar i Bayernit nuk kishte shënuar më shumë gola në sezonin e tij debutues për klubin që prej legjendës italiane Luca Toni, i cili shënoi 24 gola gjatë sezonit 2007/2008 pas transferimit nga Fiorentina.

Tani teksa jemi ende në fillim të shkurtit, Kane e ka barazuar atë rekord dhe është vetëm shtatë gola para të tjerëve në garën për Këpucën e Artë këtë sezon.

Lexo po ashtu Bayern Munich solli një përforcim që e pagoi miliona euro, por shkaktoi konfuzion të vërtetë: Pse ai mori numrin e fanellës së Harry Kane

Ekipi i Tuchel ka edhe 14 ndeshje për t’i luajtur, kështu që Kane me siguri do të synojë ta thyejë këtë rekord, përveç se në rast lëndimi.

Ky ishte një rekord të cilin as Robert Lewandowski nuk ia doli ta thyejë, përkundër faktit që shënoi 41 gola brenda një sezoni të Bundesligas, ai shënoi vetëm 17 gola në sezonin e tij debutues pasi u transferua nga rivali Dortmund si lojtar i lirë në 2014./Telegrafi/