Gvardiol do të vëzhgohet nga tri klube të mëdha në Katar 2022

Juventus, Chelsea dhe Tottenham do të vëzhgojnë nga afër mbrojtësin kroat Josko Gvardiol në Katar 2022, por janë të vetëdijshme se çmimi i tij do të kalojë shumën e 50 milionë eurove.

20-vjeçari pritet të bëjë debutimin e tij në Kupën e Botës të mërkurën kur kombëtarja e tij takohet me Marokun.

Një qendërmbrojtës që luan me këmbë të majtë, Gvardiol është një nga objektivat e Juventusit për sezonin e ardhshëm.

Sidoqoftë, klubi i tij RB Leipzig së fundmi ia zgjati kontratën deri në vitin 2027 dhe nuk ka nevojë ta shesë atë në të ardhmen e afërt.

Prandaj, çmimi i mbrojtësit besohet të jetë rreth 50 milionë euro, që mund të rritet më tej nëse 20-vjeçari bën përshtypje në Katar.

Klubet e Ligës Premier si Chelsea dhe Tottenham po ashtu janë në garë.

Juventusi është gjithashtu i interesuar për francezin e Eintracht Frankfurt, Evan Ndicka, kontrata e të cilit skadon në verë.

Roma, Inter dhe klube të tjera të Ligës Premier janë duke e monitoruar 23-vjeçarin, sipas raportit, por raporti mes Juventusit dhe Eintracht është solid pas marrëveshjeve që përfshijnë Filip Kostic dhe Luca Pellegrini verën e kaluar.

Prandaj, Zonja e Vjetër mund të përpiqet të sigurojë nënshkrimin e tij në janar nëse mbrojtësi francez refuzon të zgjasë qëndrimin e tij në klub. /Telegrafi/