Guardiola e pëlqen shumë, City ka gati ofertën për Alessandro Bastonin

E ardhmja e Alessandro Bastonit mund të jetë në elitën e futbollit anglez Ligën Premier.

Qendërmbrojtësi italian ka kontratë me Interin deri në verën e vitit 2024 dhe ende nuk ka pranuar rinovimin e saj.

Bastoni ka admirues të mëdhenj në Angli, ku prej kohësh Tottenham Hotspur po e kërkon transferimin e tij.

Ndërkohë së fundmi në garë është futur edhe Manchester City, me Pep Guardiolën që e pëlqen jashtëzakonisht shumë qendërmbrojtësin italian.

23-vjeçari është shtylla kryesore e mbrojtjes së Interit dhe largimi i tij nga Giuzeppe Meazza do të ishte një goditje për gjigantin italian.

Neroazzurët synojnë ta blindojnë mbrojtësin me një kontratë deri në vitin 2027 ku paga e tij do të shkonte në 4,5 milionë euro neto, por kjo shumë është shumë më e ulët se sa i ofrojnë skuadrat angleze.

Bastoni në Angli mund të fitoj një pagë deri në shtatë milionë euro neto në sezon dhe kjo është arsyeja që ai mendon largimin nga vendlindja.

Gjithsesi Interi nuk e ka ndërmend ta lejoj largimin e yllit të skuadrës pa u paguar një shumë prej 70 milionë euro. /Telegrafi/