Kampioni në fuqi i NBA, Golden State Warriors nuk di për humbje në ‘Play-Off’.

Warriors kanë triumfuar edhe në ndeshjen e tretë ndaj San Antonio Spurs.

Djelmoshat e Steve Kerr kanë triumfuar në udhëtim te Spurs me 13 pikë epërsi 97-110.

Kevin Durant ishte më i miri për mysafirët me 25 pikë, gjashtë asistime dhe tetë kërcime.

Me lojë të mirë për kampionët u dalluan edhe Klay Thompson me 19 pikë dhe Livingston që shtoi 16 të tjera.

LaMarcus Aldridge nuk ishte në ditën e tij më të mirë pasi e mbylli ndeshjen me 18 pikë, ndërsa Tony Parker shtoi 16 të tjera por që nuk mjaftuan për ta befasuar kampionin.

Kësisoj Golden State Warriors tani është vetëm një fitore larg kalimit në raundin tjetër.

New Orleans Pelicans ka befasuar të gjithë në Play Off.

Anthony Davis dhe Nikola Mirotic . (Photo by Sean Gardner/Getty Images)

Nola ka mposhtur përsëri Portlandin duke çuar në tri numrin e fitoreve.

Pas dy fitoreve në udhëtim, Pelicans arriti të tretën para tifozëve të tyre 119-102.

Spanjolli Mirotic ishte më efikasi me 30 pikë e tetë kërcime.

Ndërkohë me paraqitje të mirë u dalluan edhe Anthony Davis me 28 pikë e 11 kërcime si dhe Jrue Holiday me 16 pikë.

Cj McCollum ishte më efikasi tek Blazers me 22 pikë ndërsa nigeriani Aminu shtoi 21 të tjera por që nuk mjaftuan për ta marrë fitoren e parë në Play Off.

Kësisoj Pelicans do të kërkojë edhe në ndeshjen e ardhshme fitore para tifozëve të tyre për të kaluar tutje.

Fitore të rëndësishme ka marrë edhe Philadelphia 76ers 128-108 përballë Miami Heat. /Telegrafi/

Rezultatet:

Konferenca e Perëndimit:

San Antonio Spurs – Golden State Warriors 97 – 110 (0-3)

New Orleans Pelicans – Portland Trail Blazers 119 – 102 (3-0)

Konferenca e Lindjës:

Miami Heat – Philqdelphia 76ers 108 – 128 (1-2)