Gold AG tregon arsyet se përse nuk do të futej në BB VIP: Më kishte humbur namazi, ndoshta edhe fytyra

Reperi i njohur nga Presheva, Gold AG, ka qenë së fundmi i ftuar në emisionin “Ky emër nuk ka nevojë për prezantim”.

Në mesin e shumë gjërave, ai ka folur edhe për formatet si Big Brother VIP, duke qenë se ka dhënë disa komente në rrjete sociale.

I pyetur se përse nuk u bë pjesë e një ‘shou’ të tillë, Arian Agushi (emri i vërtetë) tha se ka shumë arsye.

“Ka shumë faktorë, ka shumë arsye. Unë ndoshta kur flas më thonë turk, arab, hoxhë. Unë nëse kisha hyrë aty më kishte humbur namazi edhe pse e kanë një xhami aty afër. Xhumaja më kishte humbur, po më kishte humbur dhe fytyra ndoshta”, tha ai.

Lexo po ashtu Të gjitha lajmet nga Gold Ag

Autori i këngës “Oj Dashni” ka thënë tutje se nuk do të lejonte të prekeshin gjëra, të cilat kanë të bëjnë me fenë apo kombin.

“Jo çdo kush që të del përpara kish mundur të bëjë muhabet sikur do ti, jo e ka lojë, jo se ka lojë. Janë disa gjëra që unë mund të bëj lojë gjithë ditën, por janë disa gjëra si sa i përket kombit edhe fesë time që nuk lejoj të shkoj përtej asaj. Edhe nëse e qesh flamurin, edhe nëse qesh vendin tim, Preshevën, Llapin, Drenicën, unë do të reagoja ndryshe. Nuk jam për atë lloj loje. Me qejf kisha hyrë, por shumë gjëra më kishin humbur të jetës”, vazhdoi tutje 36-vjeçari. /Telegrafi/