Gjatë konferencës javore për media, Michael Doyle, zëdhënësi i Dhomave të Specializuara të Kosovës (DhSK) në Hagë, bëri të ditur se seanca e ardhshme në procesin e njohur si çështja gjyqësore Thaçi dhe të tjerët është caktuar të mbahet më 4 dhjetor 2023.
Doyle konfirmoi se gjatë javës së kaluar u dëgjuan dëshmitë e tre dëshmitarëve në lidhje me këtë çështje, duke përfshirë dëshmi nga individë që pretendojnë të kenë përjetuar arrestime dhe keqtrajtime nga anëtarë të Ushtrisë Çlirimtare të Kosovës (UÇK).
“Dëshmitari i 35-të i thirrur nga Prokuroria, i cili pretendohet se ishte arrestuar dhe keqtrajtuar nga anëtarë të UÇK-së, dha dëshmi të enjten e kaluar dhe këtë të hënë, më 9 dhe 13 nëntor. Të hënën, 13 nëntor, z. Sadik Halitjaha, dëshmitari i 36-të, filloi dhënien e dëshmisë.
“Sipas përmbledhjes së lexuar në sallën e gjyqit nga Prokuroria, ky dëshmitar ishte epror në UÇK, i cili kishte pozita të ndryshme gjatë periudhës përkatëse. Këtë javë, të martën dhe të mërkurën, z. Shefqet Kabashi, dëshmitari i 37-të i thirrur nga Prokuroria në këtë çështje gjyqësore dha dëshmi nëpërmjet video-lidhjes. Pas përfundimit të dëshmisë së z. Kabashi, z. Halitjaha, dëshmitari i 36-të, vazhdoi dje dhe sot dhënien e dëshmisë që e kishte filluar më parë”, u shpreh zëdhënësi Doyle.
Ai gjithashtu njoftoi se trupi gjykues ka urdhëruar vazhdimin e paraburgimit për dy të akuzuarit, Jakup Krasniqin dhe Rexhep Selimin.
Përveç kësaj, Doyle theksoi pranimin e disa transkripteve dhe deklaratave të mëparshme të Hashim Thaçit dhe të tjerëve si prova në procesin gjyqësor. Në veçanti, u përmendën intervista të Prokurorisë me Thaçin dhe Selimin dhe dëshmi të tjera nga të akuzuarit.
Në rastin e Isni Kilajt, zëdhënësi zbuloi se një vendim i redaktuar i gjykatësit të vetëm gjykues është bërë i disponueshëm në faqen e internetit të DhSK-së, ku zbulohet dyshimi i bazuar se Kilaj mund të jetë përfshirë në ndërhyrje në administrimin e drejtësisë.
“Gjykatësi i vetëm konstatoi se ekziston dyshim i bazuar se pjesë të materialeve të sekuestruara nga Zyra e Prokurorit të Specializuar ose synohej të përdoreshin, ose ishin përdorur në fakt për të ndërhyrë në administrimin e drejtësisë, dhe se z. Kilaj mund të jetë përfshirë në kryerjen e një vepre penale në kuadër të juridiksionit të DhSK-së”, tha Doyle.
Dokumente lidhur me arrestimin dhe transferimin e Kilajt janë bërë publike, duke përfshirë raporte nga ZPS dhe administratores së DhSK-së.
Në procesin gjyqësor kundër Pjetër Shalës, u njoftua se trupi gjykues ka pranuar në prova dokumente të përdorura gjatë dëshmisë së katër dëshmitarëve, me seancat që pritet të rifillojnë më 20 nëntor.
Për të akuzuarit Januzit dhe Bahtijarin, versionet e redaktuara të raporteve të administratores tashmë janë publike.
Përfundimisht, u premtua vazhdimi i informimeve javore nga DhSK në Hagë çdo të enjte përmes platformës “Zoom”, për të mbajtur publikun të informuar mbi zhvillimet gjyqësore të rëndësishme./Telegrafi/
Lufta Prigozhin - Putin
Më shumëNga Rubrika
Kostadinovska Stojçevska: Pagat në kulturë janë rritur më shumë se 100% dhe do të vazhdojnë të rriten
Lëvizte me makinë i armatosur, arrestohet në Vorë 43-vjeçari nga Shkodra
Përleshje fizike mes dy personave në Prishtinë, një polic lëndohet gjatë intervenimit për t’i vënë në kontroll
Një veturë mbi 5 mijë euro dhe disa para të kursyera, çfarë pasurie ka Drejtori i Përgjithshëm i Policisë, Gazmend Hoxha?
Togerja e Policisë së Kosovës fiton çmim ndërkombëtar për shërbim në komunitet
A po e kushtëzon Sllovenia Kosovën me Asociacion për t'u bërë pjesë e Këshillit të Evropës - flet presidentja Pirc Musar
Mijëra euro kursime, banesa, e shtëpia - çfarë pasurie posedojnë kryetarja e Gjykatës Kushtetuese dhe gjashtë gjyqtarët tjerë?
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Italiania e dashuruar me Sarandën: Sa erdha thashë do të jetoj këtu, tani kam biznes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur