Nuk ka sjellë fitues por ka sjellë spektakël ndeshja mes Llapit dhe Trepçës ’89 që ka përfunduar në barazim 3-3.
Ndeshja nisi mirë për kampionin në fuqi të Kosovës të cilët fituan penallti qysh në minutën e tretë të ndeshjes.
Por nga pika e bardhë dështoi sulmuesi Shend Kelmendi përballë Beqirit të vendasve.
Mitrovicasit nuk u zhgënjyen nga humbja e penalltisë pasi shënuan golin e parë dy minuta më vonë.
Oto John arriti të shënoj gol pas një kohe të gjatë për ‘Xehetarët’.
Llapi u rikthye në lojë me sulmuesin e tyre më të mirë, Mirlind Daku i cili barazoi shifrat falë një goli të shënuar në minutën e 27.
Dy minuta më vonë i disponuari për lojë, Oto John goditi shtyllën.
Edhe Llapi u kundërpërgjigj me një shtyllë të goditur në minutën e 37’ pas goditjes së Shabanit.
Trepça ’89 shkoi në pushim të pjesëve me epërsi pasi Oto John shënoi në minutën e 44.
Llapi gjeti golin e barazimit 2-2 në minutën e 58’ kur realizoi kapiteni Hamdi Namani me kokë.
89-shi arriti golin e tretë në minutën e 91-të, kur shënoi përsëri Oto John duke kompletuar Het-Trikun e tij.
Por në aksionin vijues Llapi gjeti golin me kapitenin Hamdi Namani i cili shpëtoi skuadrën nga humbja.
Pas kësaj pike Llapi zë pozitën e tretë në tabelë me 38 pikë të tubuara, ndërsa Trepça ’89 ndodhet tri pozita më poshtë me 36 pikë.
Në ndeshjen e radhës Llapi do të ketë një tjetër duel të vështirë pasi luan si mysafir i Feronikelit.
Ndërkohë kampioni në fuqi, Trepça ’89 do të ketë punë më të lehtë pasi ndeshet si vendas me Drenicën. /Telegrafi/
