Këngëtari Gent Fatali është shumë i pëlqyer për këngët e tij.

Vetëm pak ditë më parë, ai solli projektin e tij më të ri muzikor me titull “Sa jena t’ri”, këngë kjo e cila u prit mirë nga publiku.

Kënga erdhi edhe me një klip mjaft të veçantë, protagonistë në të cilin janë disa persona, por njëri prej tyre ra pak më shumë në sy.

Bëhet fjalë për vajzën e cila është pjesë e klipit, dhe që në disa media është përfolur se mund të jetë e dashura më e re e këngëtarit.

Lidhur me këtë çështje, Telegrafi ka kontaktuar me këngëtarin Fatali, i cili shkurt ka thënë se as nuk e pohon, e as mohon një gjë të tillë.

“Nuk dua që për momentin të komentoj shumë mbi këtë temë, as s’po them që jam, as që nuk jam në lidhje”, ka thënë Gent Fatali për Telegrafin.

I njëjti, vazhdon të jetë mjaft i angazhuar me koncerte dhe mbrëmje të ndryshme muzikore, gjersa muajt në vazhdim pritet ta gjejnë atë me një projekt të ri. /Telegrafi/