Pas një tjetër fitore të Kupës së Botës për Klube në Abu Dhabi, Los Blancos mund të mburren me një numër të pabesueshëm të trofeve nga yjet e tyre.
Lojtarët e skuadrës aktuale të Real Madridit deri më tani kanë fituar në total 236 tituj duke përfshirë me madrilenët dhe kombëtaret e tyre.
Në fakt, lojtarët kanë fituar 24 tituj në La Liga, 59 Liga të Kampioneve, Kupën Botërore për Klube plotë 69 herë, 13 Copa del Rey, 45 Superkupa Evropiane dhe 26 Superkupa të Spanjës.
Marcelo (Foto: Michael Regan/Getty Images/Guliver)
Në baza individuale, Sergio Ramos dhe Marcelo udhëheqin me më së shumti medalje të fituara në karrierë. Të dy kanë fituar secili nga 20 titull duke përfshirë katër të La Ligës, katër Liga të Kampionëve, po aq edhe Kupa Botërore për Klube, dy Copa del Rey, tre Superkupa Evropiane dhe po aq Superkupa të Spanjës.
Vlen të përmendet se titulli i fituar në Dubai u ka dhënë trofeun e parë si lojtarë të Madridit, Thibaut Courtoisit, Odriozolas, Viniciusit, Reguilonit dhe Valverdes.
Si krahasim me dy rivalët e tyre më të mëdhenj në Spanjë, 24 lojtarët aktual të Barcelonës deri më tani kanë fituar 230 tituj. Në anën tjetër, lojtarët e Atletico Madridit së bashku kanë fituar 65 tituj.
Ndryshe, Lionel Messi ka më së shumti tituj - 33 sosh, ndërsa Busquets ka 30 dhe Pique 28. /Telegrafi/
