Trajneri i Barcelonës, Hansi Flick, po e konsideron si objektivin e tij të ëndrrave vetëm transferimin e sulmuesit të Atletico Madrid, Julian Alvarez.
Trajneri gjerman nuk është i interesuar të eksplorojë opsione alternative si Dusan Vlahovic, Victor Osimhen dhe Lautaro Martinez.
Flick e sheh Alvarezin si numrin 9 ideal për sistemin e tij dhe si pasardhësin afatgjatë të Robert Lewandowskit.
Megjithatë, pika e ngërçit vazhdon të jetë ngurrimi i Atleticos për ta shitur sulmuesin argjentinas te Barcelona me çdo kusht.
Në fakt, qëndrimi i ashpër i Los Rojiblancos e ka frustruar fituesin e Kupës së Botës 2022, i cili pohon se klubi ka thyer një premtim të hershëm për të lehtësuar largimin e tij këtë verë.
26-vjeçari është i vendosur të sigurojë një transferim në Camp Nou dhe së shpejti do të zhvillojë bisedime me trajnerin e Atleticos, Diego Simeone, dhe drejtues të tjerë.
Nga ana tjetër, Barcelona ka vendosur të pezullojë opsionet e Planit B, pasi po kërkon të gjejë një zgjidhje në ndjekjen e Alvarez. /Telegrafi/
