Golden State Warriors ka treguar shenja se nuk e ka ndërmend që të ndalet, pasi ka mposhtur lehtësisht Minnesota Timberwolves me rezultat 116-99.

Takimi u karakterizua me lojë të fortë nga vendasit të cilët kishin epërsinë për tri fraksione të lojës, por se mysafirët nga Minnesota mbetën në lojë duke rrezikuar kundërshtarët.

Në çerekun e fundit ndodhi shpërthimi dhe u krijua distanca mes dy ekipeve.

Kevin Durant arriti 33 pikë e 13 kërcime, i ndihmuar nga Stephen Curry me 28 pikë dhe Klay Thompson me 22 pikë.

Washingtoni në shtëpi u demolua me rezultat 134-111, në sfidën ku u rikthye Dwight Howard këtë sezon për të performuar.

Edhe pse qendra u kthye, OKC ishin të pandalshëm me Ëestbrook që shënoi 23 pikë dhe Grant 22 pikë, e Adams me 15 pikë.

Pas ndeshjeve të para Golden State gozhdon pozitën e parë me 9 fitore dhe vetëm një humbje, kurse Oklahoma përmirësohet me fitoren e katërt në vendin e nëntë.

/Telegrafi/