Flamurtari ka arritur fitore të rëndësishme përballë Lirisë (1-0) në javën e 27-të në IPKO Superligën e Kosovës në futboll.

Në takimin e zhvilluar në stadiumin “Fadil Vokrri” në kryeqytet, gjysma e parë nuk prodhoi gola, edhe pse nikoqirët kërkuan më shumë të realizonin.

Rezultati u zhbllokua në gjysmën e dytë me golin e Shend Kelmendit (54′) në tentimin e dytë.

Të gjitha lajmet nga Superliga e Kosovës Të gjitha lajmet nga Superliga e Kosovës

Në minutat në vazhdim nuk munguan rastet për mysafirët, por ata nuk ia dolën që ta barazonin rezultatin.

Me këtë fitore, Flamurtari ka bërë një hap për të ikur nga zona e ‘play-outit’ dhe aktualisht ka pikë të barabarta me Ballkanin që ndodhet në vend të tetë.

Liria, ndërkohë, pozicionohet në vend të 11-të, gjegjësisht në zonën e rrezikut për të rënë nga elita e futbollit të Kosovës. /Telegrafi/