Kosova do ta luajë ndeshjen e fundit dhe vendimtare ndaj Azerbajxhanit.
Fillimisht djelmoshat e Bernard Challandes, do të luajnë në Maltë me 17 nëntor.
Pas tri ditës ndeshja e madhe që ‘luftohet’ për pozitën e parë do të zhvillohet në Prishtinë.
FFK ka njoftuar se biletat do të blihen online, ndërsa ka shpjeguar edhe mënyrën se si do të bëhet.
“Në videon e mëposhtme do ta mësoni mënyrën se si duhet të veproni në platformën www.tiks.app për ta blerë biletën online për ndeshjen Kosova – Azerbajxhani, që do të zhvillohet më 20 nëntor në stadiumin “Fadil Vokrri” në Prishtinë”.
“Për detajet e tjera dhe kohën kur do të fillojë shitja e biletave online do t’ju informojmë me kohë”, thuhet në njoftimin e FFK-së.
Në dy ndeshjet e para ka pasur shumë parregullsi në shitjen e biletave. /Telegrafi/
