Feronikeli është lider më i ri i IPKO Superligës së Kosovës në futboll pasi ka shfrytëzuar gabimin e Prishtinës.

Reklama

Drenasit kanë triumfuar si mysafirë në stadiumin Përparim Thaçi kundër Lirisë me rezultat të pastër 2:0.

Futbollistët e Nikelit dominuan gjatë gjithë 45 minutshit të parë dhe kjo rezultoi të ishte e mjaftueshme për tri pikët e reja në këtë kampionat, gjersa “Arpagjik’t” do të mundohen që në javët e ardhshme të kërkojnë pikë për të mbijetuar në elitën e ekipeve kosovare edhe për një sezon të ri.

Se kishin ardhur për të triumfuar, gjelbërzinjtë treguan qysh në minutën e shtatë të ndeshjes, kur Kastiot Rexha shënon gol pasi mori një pasim të saktë nga Përparim Islami.

Reklama

Da Silva ishte afër ngritjes së epërsisë në të 30 minutë, por gjuajta e tij shkon afër portës së portierit, Flamur Gashit.

Reklama
Të gjitha lajmet rreth Feronikelit Të gjitha lajmet rreth Feronikelit

Rexha sërish doli në skenë dy minuta para përfundimit të pjesës së parë, kur shfrytëzoi gabimin e dy mbrojtësve të prizrenasve dhe nga afërsia realizoi golin e dytë personale, përkatësisht të dytin për ekipin.

Në pjesën e dytë ishte një pasqyrë krejt tjetër pasi vendasit luajtën më mirë, por që nul arritën të tundin rrjetën e drenicakëve.

Fillimisht, Piu Martins pati në rast të mirë për prizrenasit, por që gjuajtja e tij përfundoi mbi portën e kundërshtarit.

Të gjitha lajmet rreth Lirisë Të gjitha lajmet rreth Lirisë

Fatih Karahoda ishte në një pozitë ballore me portierin mysafir në të 60-tën minutë, por që nuk lejoi të mposhtet Deniz Troshupa.

Reklama

Tre minuta më vonë Blendi Memaj për pak sa nuk realizoi golin e parë për bardhezinjtë, por shtylla ia mohoi golin.

Reklama

Në vazhdim të ndeshjes, Nikeli paksa u zmbraps duke kërkuar golin e tretë përmes kundër sulmeve gjersa vendasit e kërkuan me ngulm golin e parë të sezonit pranveror para shikuesve të vetë.

Megjithatë, deri në fund të ndeshjes më nuk pati raste që duhet veçuar dhe kështu ndeshja përfundoi në dobi të mysafirëve me rezultat 2:0.

Pas kësaj, Feronikeli zë pozitën e parë të renditjes tabelore të ligës sonë elitare me 42 pikë ndërsa Liria mbetet në vendin e dhjetë me 19 pikë.

Reklama

Ndryshe, lideri i ri i ligës elitare të Kosovës në takimin e radhës do të luajë si vendas kundër LLapit gjersa “Arpagjikt” do të jenë mysafir të Prishtinës. /Telegrafi/