Evertoni shkatërron Unitedin dhe ia zbeh gjasat për kualifikim në Ligën e Kampionëve

Evertoni ka shënuar fitore të thellë ndaj Manchester Unitedit me rezultat 4-0 në ndeshjen e vlefshme për javën e 35-të në Ligën Premier.

Djajtë e Kuq synonin fitore për të bërë një hap para për një vend në Ligën e Kampionëve, por janë mposhtur thellë nga Evertoni dhe tani kanë më pak gjasa për të arritur një vend që i dërgon në garën elitë për klube.

Pjesa e parë e ndeshjes u dominua nga vendasit, të cilët përveç shumë rasteve arritën të shënojnë edhe dy gola të bukur.

Fillimisht ishte braziliani Richarlison, i cili shënoi një supergol me gjysmë gërshërë në minutën e 13-të për 1-0, ndërsa Gylfi Sigurdsson shënoi nga distanca në minutën e 28-të për 2-0.

Edhe pjesa e dytë foli në të mirë të Evertonit që vazhdoi dominimin, por edhe golat për fitoren e radhës në kampionat.

Goli i radhës i vendasve erdhi në minutën e 57-të dhe ishte mbrojtësi francez, Lucas Digne që shënoi gjithashtu një gol të bukur nga distanca për 3-0.

Për rezultatin përfundimtar u përkujdes anglezi Theo Walcott, i cili shënoi për pas një kundërsulmi të shpejt për 4-0.

Pas kësaj fitore, Evertoni ka 49 pikë në vendin e shtatë, ndërsa Unitedi renditet një pozitë më lartë me 64 pikë.

Në ndeshjen e radhës, Djajtë e Kuq e presin rivalin lokal Manchester Cityn, ndërsa Evertoni udhëton te Crystal Palace. /Telegrafi/

⚽️ Everton vs Manchester United | Richarlison (GOAL) 13' pic.twitter.com/iOpCKY02cq

— Everton 4-0 Manchester United (@D9INE_X_) April 21, 2019

RT golvideolartv: GOL! Everton 2-0 Manchester United (28’ Sigurdsson) pic.twitter.com/nvvezjF0UO

— Exclusive clue (@exclusiveclue) April 21, 2019

Lucas Digne makes it..
Everton 3-0 Man United#EVEMUN #PremierLeague pic.twitter.com/5bLVjYg8fJ

— Karan (@KXkp8) April 21, 2019

Walcott! Man United, are you okay? pic.twitter.com/R99qWkOp1c

— Илья (@ilyaestratega) April 21, 2019