LAJMI I FUNDIT:

Europiani U-19 për vajza, trajneri Krepi: Rivalët janë të fortë, por ne do t’i marrim maksimumin këtij grupi

Europiani U-19 për vajza, trajneri Krepi: Rivalët janë të fortë, por ne do t’i marrim maksimumin këtij grupi

Kombëtarja shqiptare U-19 për vajza ka nisur që prej ditës së mërkurë grumbullimin në kuadër të përgatitjeve për ndeshjet e raundit të dytë të Kampionatit Europian për këtë grupmoshë. Ekipi me 20 lojtaret e thirrura për këto ndeshje nga trajneri Kreshnik Krepi po stërvitet në mënyrë intensive në kompleksin ‘Tropikal’ në Durrës për dy sfidat kundër Skocisë dhe Lihtenshtejnit, që do të luhen në datat 5 dhe 11 prill në stadiumin ‘Air Albania’.

Reklama

Trajneri i Shqipërisë U-19 për vajza, Kreshnik Krepi flet për gjendjen e ekipit, ndërsa vlerëson mobilizimin e vajzave dhe mirëorganizimin e tyre për dy sfidat e vështira ndaj Skocisë dhe Lihtenshtejnit.

“E vlerësoj shumë mobilizimin e vajzave. Është diçka shumë premtuese për marrjen e maksimumit të tyre në këto eliminatore që kemi me skuadra si Skocia dhe Lihtenshtejni. Pavarësisht se skuadra siç është Skocia, është shumë e fortë. Vijmë në këto ndeshje pas eliminatoreve të kaluara, ku për dy gola nuk mundëm të kualifikohemi. I gjithë grupi është i mirëorganizuar, pavarësisht se kemi shumë vajza të reja, të cilat janë shumë premtuese dhe pretendojmë të marrim më të mirën e mundshme si të vajzave të reja, ashtu edhe vajzave të datëlindjes 2004-2005. Kemi tre vajza të dëmtuara të grupit, të cilat kanë qenë pjesë e grupit të kaluar, të cilat shpresojmë që të rikuperohen dhe të jenë të gatshme për skuadrën e ekipit të parë” – thotë trajneri Krepi, i cili vlerëson edhe vajzat që ka në dispozicion në këtë grumbullim, si edhe punën e mirë që është bërë nga Sektori i futbollit të vajzave në FSHF në zbulimin e talenteve të reja.

“Ne skuadrën e përgatisim që të marrim 6 pikë, pavarësisht rivalëve. I kemi dhënë mundësinë edhe një vajze që ka ardhur nga Amerika, e cila është datëlindje 2005, ku normalisht nga seanca në seancë do të krijojmë një konkluzion për të, për të shikuar se sa e gatshme është për t’i shërbyer skuadrës. Gjithsesi, dua të ndalem edhe te puna e mirë që po bëhet nga Sektori i Futbollit të Vajzave në Shqipëri dhe janë disa vajza shumë premtuese si Klesta Ago, Xhesika Ago, të cilat me të vërtetë na bëjnë që edhe ne si staf i ekipit kombëtar U-19 ta quajmë të suksesshëm këtë grumbullim, pasi janë lojtare shumë premtuese” – tha trajneri Krepi për fshf.org.

Ndeshjet e këtij grupi do të luhen të gjitha në Shqipëri, në stadiumin kombëtar ‘Air Albania’ në Tiranë. Takimi i parë i Shqipërisë do të jetë ai ndaj Skocisë më 5 prill, në ora 11:30, ndërsa përballja e dytë ndaj Lihtenshtejnit do të zhvillohet në po të njëjtën orë më 11 prill, në stadiumin ‘Air Albania’. Sakaq, edhe ndeshja tjetër e këtij grupi, Skoci – Lihtenshtejn do të zhvillohet në Tiranë, në stadiumin ‘Air Albania’ në ora 11:30.

Në trend Sport

Më shumë
Reagimi i Granit Xhakës kur tifozi i Arsenalit ia përmend bashkëshorten

Reagimi i Granit Xhakës kur tifozi i Arsenalit ia përmend bashkëshorten

Premier League
Penalltitë vendimtare, Sevilla për herë të shtatë fituese e Ligës së Evropës

Penalltitë vendimtare, Sevilla për herë të shtatë fituese e Ligës së Evropës

Liga e Evropës
Dy gjigantët italianë vihen pas Edon Zhegrovës, garë e nxehtë na pret në verë

Dy gjigantët italianë vihen pas Edon Zhegrovës, garë e nxehtë na pret në verë

Serie A
Deputetja britanike Kearns kërkon dënimin e Djokovicit për mesazhet e tij në lidhje me Kosovën

Deputetja britanike Kearns kërkon dënimin e Djokovicit për mesazhet e tij në lidhje me Kosovën

Tenis
Real Madridi mund të njoftojë së shpejti largimin e Benzemas

Real Madridi mund të njoftojë së shpejti largimin e Benzemas

La Liga
Plotë 15 lojtarë mund të largohen nga Chelsea – situata e secilit prej tyre dhe çmimi i vendosur nga klubi

Plotë 15 lojtarë mund të largohen nga Chelsea – situata e secilit prej tyre dhe çmimi i vendosur nga klubi

Premier League
Kalo në kategori