Njerëzit nga e mbarë bota kanë filluar në masë të madhe t’i rikthehen linjave hekurudhore, për të arritur në destinacionet e tyre të caktuara, shkruan Forbes.
Kjo ka bërë që të rriten investimet në hekurudhë në shumë vende, por edhe të rritet kërkesa për trena sa më luksoz, transmeton Telegrafi.
Kështu edhe Arabia Saudite ka vendosur të sjellë diqka të re në këtë drejtim, duke iu ofruar pasagjerëve peisazhe të rralla me trenat luksoz.
Duke ditur se Arabia Saudite në 20 vitet e fundit është duke bërë të pamundurën që të tërheq sa më shumë turistë nga e mbarë bota, synon që projektin për linjën e re hekurudhore ta realizojë në afatin që shumëkush e konsideron si “mision i pamundur”.
Bëhet fjalë për trenin e ri luksoz që synon të hyjë në panteonin e trenave klasikë dhe udhëtimeve ikonike hekurudhore si Venecia Simplon-Orient Express, Royal Scotsman dhe Rovos në Afrikë, shkruan Forbes.
Quhet “ëndrra e shkretëtirës” që premton të ofrojë një udhëtim luksoz dhe që të mban sytë e hapur nëpër Arabinë Sauditë. Konsiderohet edhe si treni i parë luksoz në Lindjen e Mesme.
Udhëtimi 800 milje do të fillojë në Riad, kryeqyteti i Arabisë Saudite, dhe do të udhëtojë në veriperëndim drejt kufirit me Jordaninë.
Rruga do të kalojë nëpër shtrirje të gjata të shkretëtirave piktoreske dhe zonave arkeologjike të Trashëgimisë Botërore të UNESCO-s.
Pikat kryesore përfshijnë qytetin Ha’il, provincën Al-Qassim dhe Rezervatin Natyror Mbretëror të Mbretit Salman bin Abdulaziz në Al Jouf. Udhëtimi do të përfundojë në Al-Qurayat, pranë kufirit jordanez. Pasagjerët do të mund të rezervojnë udhëtime për një ose dy net.
Treni luksoz është një partneritet midis kompanisë shtetërore hekurudhore Saudi Arabia Railëays (SAR) dhe kompanisë italiane Arsenale Group, që thuhet të jetë me vlerë 200 milionë rijalë sauditë (53.32 milionë dollarë).
Arsenale Group është një kompani italiane e markës luksoze. Ajo ka lansuar Soho House Roma, Hotel Santavenere Maratea, trenin e ri Orient Express La Dolce Vita në Itali dhe tre hotele luksoze që do të debutojnë në 2024: Orient Express La Minerva, Romë; Orienet Express Palazzo Dona Giovannelli Venecia; dhe Abbazia di Spinetto në Toskanë. Kompania i referohet udhëtimit hekurudhor të “ëndrra e shkretëtirës” si “lundrim me tren luksoz”.
“Ëndrra e shkretëtirës” do të ketë 40 vagonë dhe do të transportojë 82 pasagjerë, me një restorant të mirë dhe një bar.
Arsenale thotë se dizajni është frymëzuar nga “stili dhe tradita saudite” dhe se trenat do të jenë “plotësisht të personalizuar”, dhe tashmë janë në ndërtim e sipër.
Treni është planifikuar paraprakisht të përfundojë prodhimin në verën e vitit 2025, dhe të fillojë të funksionojë deri në fund të 2025.
Arabia Saudite prej kohësh është “vërshuar” nga vizitorët perëndimorë, dhe filloi të mirëpresë turistët ndërkombëtarë në vitin 2019.
Tashmë ka shpenzuar shumë miliarda në përpjekjet për të tërhequr vizitorë, veçanërisht në NEOM, një zonë e re zhvillimi urban që do të ndërtohet nga themeli në provincën veriperëndimore Tabuk, në veri të Detit të Kuq, në lindje të Egjiptit dhe përtej Gjirit të Akaba.
Zhvillimet përfshijnë ishullin Sindalah në Detin e Kuq dhe Trojena, një vendpushim skish në malet NEOM.
Synimi i deklaruar i vendit është të investojë më shumë se 800 miliardë dollarë në zhvillimin e turizmit në dekadën e ardhshme, duke shpresuar të mirëpresë 70 milionë turistë ndërkombëtarë në vit deri në vitin 2030.
“Ëndrra e shkretëtirës” është shtrirja e Arabisë Saudite jo vetëm për tregun luksoz të udhëtimit me tren, por gjithashtu prek tendencat aktuale të udhëtimit të udhëtimeve me përvojë, udhëtimeve kulturore dhe udhëtimeve të ngadalta.
Udhëtimi me tren luksoz është gjithashtu një nga mënyrat më romantike për të udhëtuar, duke u kthyer në vitet e 20 dhe 30-ta dhe misteret e Agatha Christie. Mund të ndihmojë në zbutjen e imazhit aktual të vendit jashtë vendit.
Rezervimet për “Ëndrra e shkretëtirës” janë planifikuar të hapen në fund të vitit 2024 dhe mbetet të shihet nëse interesimi për udhëtim me këtë tren do t’i afrohet pritjeve të autoriteteve të këtij vendi. /Telegrafi/
Lufta Prigozhin - Putin
Më shumëNjë nga qytetet më të mëdha në botë po fundoset - do të shpenzohen 35 miliardë dollarë për ndërtimin e një kryeqyteti të ri
Pamjet që pretendohet se shfaqin vështirësitë që kishin forcat izraelite të eliminonin militantët e Hamasit, pa dëmtuar ushtarët e IDF-së
Shtetasi turk iu vërsul me thikë policëve izraelitë në Jerusalem, qëllohet për vdekje – publikohen pamjet e momentit rrëqethës
Përmbytje në Arabinë Saudite - mbyllen disa shkolla, bllokohen rrugët
Rusia humb kontrollin e ishullit kyç
Fitoi xhekpotin prej 1.3 miliard dollarësh - i sëmuri me kancer planifikon të përdorë paratë për të 'gjetur një mjek të mirë'
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës