Emma Stone-s i çahet fustani, teksa pranon çmimin “Oscar” për filmin “Poor Things”

Emma Stone pati një incident të vogël në skenë, ndërsa pranoi Oscar-in për aktoren më të mirë për “Poor Things ” në natën e çmimeve “Oscar” në Los Angeles.

Teksa përgatitej për të pranuar trofeun, ylli 35-vjeçar i Cruella-s mund të shihej duke mbajtur pjesën e pasme të fustanit të Louis Vuitton-it, pasi zinxhiri iu këput në shpinë, pas fitores së saj tronditëse.
“Fustani im është prishur”, filloi ajo ndërsa luftonte mes lotësh, shkruan DailyMail.

Pasi fitoi qetësinë e saj, interpretuesja falenderoi prindërit dhe vëllain, burrin dhe vajzën e saj.

Ndërsa fliste drejtpërdrejt për vajzën e saj të vogël, Louise Jean McCary, nëna krenare e një fëmije tha se vajza e saj do të bëhej tre vjeçe në tre ditë.

“Të dua më shumë se i gjithë qielli”, përfundoi ajo duke cituar këngën e Taylor Swift “Bigger Than The Whole Sky” nga albumi i saj i vitit 2022, Midnights.

Teksa doli nga skena, fituesja e dyfishtë e Golden Globe, e cila mbante një diamant të verdhë 30 karatësh, mbajti kapësin në shpinë dhe i kërkoi audiencës që të mos shikonte në pjesën e pasme të fustanit të saj. /Telegrafi/