Edhe pas kalimit te Al Nassr, Ronaldo nuk është as për së afërmi lojtari më i pasur në botë – një lojtar është 15 herë më i pasur se portugezi

Një ish-lojtar i të rinjve të Leicester City është ende futbollisti më i pasur në botë – edhe pas transferimit të Cristiano Ronaldos me para në Arabinë Saudite.

Daily Star raporton se ndërsa portugezi dhe ish-sulmuesi i Manchester United ka një vlerë neto prej 500 milionë euro dhe thuhet se do të fitojë 200 milionë euro në vit me klubin e tij të ri, Al Nassr, kjo shumë zbehet në krahasim me ish-anëtarin e Foxes, Faiq Bolkiah, i cili ka vlerë neto 20 miliardë euro.

Pavarësisht se është relativisht i panjohur në botën e futbollit, Bolkiah është lojtari më i pasur në botë. Megjithatë, ndryshe nga Ronaldo, ai nuk e ka grumbulluar pasurinë e tij nga përpjekjet e tij në fushë.

24-vjeçari ka trashëguar pasurinë nga babai i tij Jefri, që është vëllai i manjatit të naftës Hassanal, Sulltanit të Bruneit. Lidhjet mbretërore të Bolkiah kanë siguruar që ai të jetë një trashëgues i pasurisë së xhaxhait të tij.

Ndryshe nga familja e tij, pasioni i Bolkiah qëndron te futbolli. Ai e filloi karrierën e tij në Angli kur ishte adoleshent me kalimin në Southampton, Chelsea, Reading dhe Arsenal, përpara se të nënshkruante marrëveshjen e tij të parë profesionale me Foxes në vitin 2016.

Megjithatë, Bolkiah nuk ia doli të debutonte për Foxes dhe tani luan për skuadrën tajlandeze Chonburi FC, të cilës iu bashkua këtë vit pasi u lirua nga klubi portugez Maritimo në dhjetor të vitit 2021.

Ai kishte nënshkruar një kontratë profesionale trevjeçare me Foxes, por kurrë nuk bëri një paraqitje të ekipit të parë për Foxes. Ai më vonë iu bashkua Martimos, por shpresat e tij për një karrierë më të ndritur u shuan, kur kontrata e tij me skuadrën portugeze u anulua. /Telegrafi/